Bəğayi: Amerkə şərə əməlon əqər dəvom pəydoko,Hormuzi lukədə bıə vəzyətədə hiççi bə əməl nibome
Pars Tudey-İroni Xarici Koon Vəzirəti sıxanəvoti bəyonış kardə:Çəmə de Amerkə hiç qıləy mızokirəmon ni və de Omani bıə mızokirəon de Hormuzi lukiku betəhlukə dəvardemoni anqıle.
Pars Tudey bə Təsnim Xəbə Aqentəti istinodən doə məlumoti əsos,İroni İslomi Respublikə Xarici Koon Vəzirəti sıxanəvot İsmoyl Bəğayi 2 şambə ruji de Omani təfahumi nəhoyi kardey və bo mızokirəonro de vositəçiyon məsləhəton mevzuədə həftəynə mətbuat konfransədə votəşe:Holı-hozzədə çəmə de Amerkə hiç qıləy mızokirəmon ni və de Omani bıə mızokirəon bə kəştiyon Hormuzi tanqəku de əmniyyətinə holi dəvardey əsos bıə təfahumi əloğədore. Əy əlovəş kardə:Hormuzi tanqə de İron iyən Omani miyono bə fiki ixtilofon xoto bastə bıəni,çımi əks, dəvardə sori 29 martiku jıqoşə çı AİŞ-on təcovuzi səbəbiku bə probleminə holi omə.Dıyo blokadə və çı Amerkə şərə əməlon əqər dəvom pəydoko və çı Amerkə qırd ın ğanun darıştəyon qıləy dəvomış bıbu, tanqə vəzyətədə xususi qıləy çi bə əməl nibome. Reqiyoni Xalğon de AİŞ Hərbi Mevcudəti Dəvom Kardey Mıxolifətİroni Xarici Koon Vəzirəti sıxanəvot Reqiyoni Xalğon de AİŞ hərbi mevcudəti dəvomi bıə mıxolifəti əlboğədor votəşe:"Məntəğə milləton çe İroni xalği sulhtələb bey və reqiyonədə bıə de qırd kişfəron dincə həyoti dumo bey zıneydən.Əvon zıneydən ki, bə əməl omə har çi,ə cumlə həm çe İroni mıdofiyə reaksiya,bə reqiyoni kişfəri və xalği ne,bəlkəm bə hərbi təcovuzi mənbə ələyh be.əvon AİŞ-on çəvon kişfəronədə hərbi mevcudəti dəvom kardey ələyh beşey və Amerkə çəvonku suyi-istifodə navi qətey təbiyie.
