Şeyx Nəyim Ğasım: İron de Amerkə və seonist rejimi bıə canqədə ğalib ome

Pars Tudey-Livani Hizbullah sərkatib bə Amerkə və seonist rejimi reqiyonədə ıştə planon bə həyot dəvordıneyro maneyəon çe miyoniku bardey səyon və məğsədon rəseyədə bə beovandəti işorə kardə holədə,bə İroni de Amerkə və seonist rejimi bıə canqədə ğalib omey təkid kardəşe.

Pars Tudey bə IRNA istinodən doə məlumoti əsos,çe Livani Hizbullah sərkatib Şeyx Nəyim Ğasım: seşambə ruji ıştə nıtğədə bəyonış kardə:Əmə bo reqiyoni mığoviməti etosney və mıstəmləkəçəti kardero bə Livan,Ğəzzə,İron,İrağ və Yəməni ələyh de Amerkə-israyili hucumi dimbədim omimon. Livani Hizbullah sərkatibi əlovəş kardə:Livanədə 2024-ə sori sentyabri hucumi məğsəd mığoviməti bə oxo rosney və çəy rişə bırney be.lakin əmə deəvon mıborizə bardemone və əvonımon bo mığoviməti zıneyro məcbur kardə qıləy roziyəti məcbur kardemone. Əy əlovəş kardə:Bə Livani zidd beəmon və hevuj mığyosinə hucumon oqətə AİŞ-İroni təfahumi memorandumədə çe İroni şərt be.İron çı memorandumi iminə bəndədə çı Livani məsələş ğəroləş doe və bə Livani hucumon oqətey və israyili bə dumo pekırey təkid kardəşe. Livani Hizbullah sərkatibi votəşe:Livani(hukuməti) de dışmənə israyili bəisə mızokirəon bo Livaniro ğərəz arəti,məyusəti və imtiyoz doey coqlə nəticəş nıbe.israyili siyosi noiliyyətonış bə dast varde,əmmo de mığoviməti huzur iyən iştiroki qıləy məydoni noiliyyətonış bə dast vardey nızıne.