Aya Tramp çı Venesuela bədiqə İroni nati bə dast vardey niyyətədə be?
Tramp qıləy tvitədə AİŞ-on Venesuelada 65 milyard barelisə ziyodə subut bıə nati ehtiyoton nəzorəti bə dast vardey iddiyoş kardə.
Tehroni Unversiteti Amerkəşınosəti professor Dr. Fuad İzədi votedə ki,ğərol be i ruj de İroni nati anqıl jıqo qıləy bəyonot doey bıbu.
De İroni xalği,siyosi lideron və silohinə ğıvvon mığviməti çəy nav seyə bıə qıləy hərəkət.İzədi çı Amerkə mıhoribə sı kardey dıqlə məğsədi aşmardedə:İroni nati ehtiyoton bə dast vardey və de İroni zəyif kardey çe Amerkə və israyili məntəğə peyo bıə dominantəti mehkəm kardey.
Əv jıqo hisob kardedə ki,İron bəpe qıləy zumandə maneyə icod bıkardo;bəçəy fiki əsos,ım,fəğət çı Vaşinqtoni coqlə mumkinə hucumi erji tov vardənin nıbə hisob kardə zəmon mənoş bıə qıləy maneyəy. Bın çərçivə iyən kontekstədə əv,bə Amerkə mıttəfiğon həyoti əhəmiyyətinə infrastrukturon ələyh şiddətinə cəvob doey və bo Ğərbiro enerji xarcon ziyodəti zəruri hisob kardedə. Çəy nəticə ruşine:Amerkə bəpe bızıno ki,İron Venesuela ni.
