Kərim Vəliyev türkiyəli nümayəndə heyəti ilə görüşüb

Azərbaycan Respublikasının müdafiə nazirinin birinci müavini Kərim Vəliyev türkiyəli nümayəndə heyəti ilə görüşüb

Sentyabrın 19-da Azərbaycan Respublikasının müdafiə nazirinin birinci müavini - Azərbaycan Ordusunun Baş Qərargah rəisi general-polkovnik Kərim Vəliyev Azərbaycanda səfərdə olan Türkiyə Respublikası Milli Müdafiə Nazirliyinin Hüquq Xidmətinin nümayəndə heyəti ilə görüşüb.

Azərbaycan KİV-I xəbər verir ki, bu barədə Müdafiə Nazirliyi məlumat yayıb.

Görüşdə hüquq xidmətinin təşkili, hərbi hüquqşünasların xidməti fəaliyyəti və digər sahələrdə ətraflı fikir mübadiləsi aparılıb.

Qeyd edək ki, Türkiyə ilə Azərbaycan Respublikası arasında hərbi və iqtisadi əməkdaşlıq 27 sentyabr 2020-ci il tarixində Azərbaycan Respublikası ilə Ermənistan arasında Dağlıq Qarabağ müharibəsinin başlanmasından sonra artıb. Ankara bu müharibədə Bakıya hərbi yardım etdi. Bu baxımdan iki ölkənin silahlı qüvvələri arasında əməkdaşlıq davam edir.