Ərdoğan Ermənistanı Azərbaycan Respublikası ilə sülh razılaşmasına dəvət edib

Türkiyə prezidenti Ermənistan hökumətini Azərbaycan Respublikası ilə sülh müqaviləsini tezliklə imzalamağa dəvət edib.

Fars xəbər agentliyinin verdiyi məlumata görə, Türkiyə prezidenti Rəcəb Tayyib Ərdoğan Ermənistandan Azərbaycan Respublikası ilə sülh sazişinin tezliklə imzalanmasını istəyib.

Türkiyə prezidenti dünən, çərşənbə axşamı deyib ki, “Bir daha Ermənistandan azərbaycanlı qardaşlarımızın dostluq əlindən tutmasını tələb edirəm”.

Ermənistan Dağlıq Qarabağın işğalını üçtərəfli bəyannamələrin pozulması kimi qiymətləndirsə də, Ərdoğan Parisin İrəvana hərbi və diplomatik dəstəyini birbaşa qeyd etmədən  deyib ki,“Qarabağ münaqişəsinin həlli regionda yeni dövr açıb, lakin bəzi Qərb ölkələri bu reallığı qəbul etmək istəmir”.

Türkiyə prezidenti əlavə edib: "Ermənistan xalqı və onun rəhbərliyi təhlükəsizliyi sülh və əməkdaşlıqda axtarmalıdır. Heç bir Qərb silah və sursatları sabit sülh və təhlükəsizlik mühitinə zəmanət verə bilməz".

Qeyd edək ki, Fransanın Ermənistanı dəstəkləməsi Azərbaycan prezidenti İlham Əliyevi də qəzəbləndirib. Ərdoğanın tam dəstəyini alan Əliyev, Fransanı Ermənistana hərbi texnika satdığına görə tənqid edib və deyib ki, Paris Cənubi Qafqazda çox dağıdıcı rol oynayır.