Ermənistanla Azərbaycan Respublikası arasında sərhəd münaqişəsi olub

Ermənistanla Azərbaycan Respublikası arasında sərhəd münaqişəsi 4 erməni əsgərinin ölümü, bir neçəsinin isə yaralanması ilə nəticələnib.

Aərbaycan Respublikasının Müdafiə Nazirliyindən (MN)  KIV-ə məlumat verilib ki, fevralın 12-də Ermənistan silahlı qüvvələrinin bölmələri Azərbaycan Ordusunun mövqelərini atəşə tutub.

Ermənistan Müdafiə Nazirliyi də bəyanatında bildirib ki, yerli vaxtla saat 5:30-da Azərbaycan Respublikasının Zəngilana gedən yolda sərhəd zonasında münaqişə baş verib.

Son məlumata görə, 4 erməni əsgəri ölüb, yaralananlar var.

Bu, sentyabrda Azərbaycanın Dağlıq Qarabağ bölgəsini geri almaq üçün keçirdiyi hərbi əməliyyatdan sonra iki ölkə arasında ən ciddi sərhəd münaqişəsidir.

Bildirilir ki, fevralın 12-də Azərbaycan əsgəri erməni snayperləri tərəfindən yaralanıb.

Azərbaycan Xarici İşlər Nazirliyindən məlumat verilib ki,  Azərbaycan sülh prosesinə sadiqdir və Ermənistan tərəfini bu istiqamətdə səyləri təhlükə altına qoya biləcək hərbi eskalasiyalardan çəkinməyə çağırır.

Bildirilib ki, Ermənistan Xarici İşlər Nazirliyinin Azərbaycan Silahlı Qüvvələrinin Ermənistan tərəfinin təxribatına qarşı gördüyü tədbirlərin eskalasiya üçün bəhanə olması ilə bağlı iddiaları tamamilə əsassızdır.

Azərbaycan hərbi qulluqçusunun yaralanması ilə nəticələnən hərbi təxribatdan sonra Azərbaycan tərəfi erməni hərbi postundan irəli gələn təhlükəni aradan qaldırıb. Bu tədbir sırf cavab tədbiri idi.

Həmçinin Ermənistan Müdafiə Nazirliyi bildirib: Azərbaycan Respublikası Müdafiə Nazirliyinin yaydığı məlumatda deyilir ki, Ermənistan silahlı qüvvələrinin bölmələri fevralın 12-də saat 20:50-dən 23:40-dək Azərbaycan Respublikasının dövlət sərhədinin şimal-şərqində yerləşən mövqelərini atəşə tutublar, bu doğru deyil.