Ərdoğan Azərbaycan Respublikasına daxil olub

Türkiyə Prezidenti Rəcəb Tayyib Ərdoğan Azərbaycan Respublikasının paytaxtı Bakıya rəsmi və diplomatik səfər edib.

Azərbaycan Respublikası və Şimali Kipr Ərdoğanın Türkiyə prezident seçkilərində qalib gəldikdən sonra ənənəvi olaraq səfər etdiyi iki xarici ölkədir. Ərdoğan Azərbaycan Respublikasından əvvəl Şimali Kipr Türk Respublikasına getmişdi.

Kipr Respublikasının Xarici İşlər Nazirliyi də Ərdoğanın adanın şimal bölgəsinə səfərinə münasibət bildirib , səfəri pisləyərək, bunu Türkiyənin işğalçı hərəkəti , qeyri-qanuni və BMT Təhlükəsizlik Şurasının qətnaməsinin açıq şəkildə pozulması adlandırıb.

Ərdoğan bazar ertəsi (dünən) bildirib ki, Şimali Kipr Türk Cümhuriyyətinin tanınacağı təqdirdə, Kipr türklərinin Kiprlə danışıqlara qayıtması mümkündür.

Türkiyə , Kipr türk hissəsini 1983-cü ildə müstəqillik elan edildikdən sonra müstəqil ölkə kimi tanıyan  yeganə ölkədir.

Azərtac xəbər verir ki, rəsmi mənbələrin verdiyi məlumata görə, çərşənbə axşamı Türkiyə prezidenti Rəcəb Tayyib Ərdoğanın Azərbaycan prezidenti Elham Əliyevlə təkbətək görüşündən sonra danışıqlar iki ölkənin nümayəndə heyətlərinin iştirakı ilə davam etdiriləcək. 

Bu danışıqlardan sonra Ərdoğan və Əliyevin mətbuat və media nümayəndələri ilə görüşü olacağı bildirilib.

Türkiyə kütləvi informasiya vasitələrinə görə; Ərdoğan və Əliyev iki ölkə arasında əlaqələrin və ikitərəfli əməkdaşlığın inkişafı istiqamətində görülən tədbirləri, regional və beynəlxalq hadisələri müzakirə edəcəklər.