İranın yeni raketlərinin "Dimona"ya düşə bilməsi İsraildə narahatlıq yaradıb

Sionist rejimin mediası, İranın yeni raketlərinin işğal altındakı ərazilərdə yerləşən "Dimona" nüvə obyektini vurması ilə bağlı Təl-Əvivin ciddi narahatlıq keçirdiyini xəbər verib.

Sionist "Maariv" qəzeti cümə günü yayımladığı hesabatda bildirib ki, İsrail rəhbərliyi İranın yeni və izlənilməsi çətin raketlərlə Dimona reaktorunu və nüvə silahı anbarlarını hədəfə ala biləcəyindən ehtiyatlanır.

Son günlər sionist rejimə yaxın mənbələr etiraf ediblər ki, İranın işğal olunmuş ərazilərdəki hədəflərə qarşı istifadə etdiyi yeni raketlər yüksək dağıdıcı gücə malikdir və onların qarşısını almaq olduqca çətindir.