Suriya üzrə Astana prosesinin üçtərəfli görüşü baş tutub

BMT Baş Assambleyası çərçivəsində İran, Rusiya və Türkiyə xarici işlər nazirlərinin iştirakı ilə Astana prosesinin üçtərəfli iclası keçirilib.

İRNA-nın məlumatına görə, Suriya üzrə Astana prosesinin üçtərəfli iclası İran, Rusiya və Türkiyə xarici işlər nazirləri Hüseyn Əmir Abdullahian, Hakan Fidan və Sergey Lavrovun iştirakı ilə keçirilib.

Görüş Nyu Yorkda, İran İslam Respublikasının ev sahibliyi etdiyi BMT Baş Assambleyasının 78-ci konfransı çərçivəsində keçirilib.

Görüşdə BMT-nin Suriya üzrə xüsusi nümayəndəsi Ger Pedersen də iştirak edib.

Astana danışıqları 2017-ci ilin yanvar ayından Suriyada sülhün bərqərar olması məqsədi ilə İran İslam Respublikasının təşəbbüsü və Rusiya və Türkiyənin əməkdaşlığı ilə başlayıb.

İran, Türkiyə və Rusiya Astana prosesinin qarantı kimi Suriya böhranını həll etməyə çalışırlar.