Zərqəmi Ümumdünya Turizm Təşkilatının Baş Assambleyasının sessiyasında iştirak etmək üçün Özbəkistana gedib

İranın mədəni irs, turizm və əl işləri naziri Ümumdünya Turizm Təşkilatının Baş Assambleyasının sessiyasında iştirak etmək üçün Özbəkistana səfər edib.

Mehr xəbər agentliyinin məlumatına görə, İranın mədəni irs, turizm və əl işləri naziri Seyid Ezzətullah Zərqami bu gün (bazar günü) Özbəkistan rəsmiləri tərəfindən qarşılanaraq bu ölkənin paytaxtı Daşkəndə daxil olub.

Mədəni irs, turizm və əl işləri naziri Dünya Turizm Təşkilatının (UNWTO) Baş Assambleyasının 25-ci sessiyasında iştirak etmək üçün Özbəkistana səfər edib.

Özbəkistanın Səmərqənd şəhərində keçiriləcək bu toplantıda Ezzətullah Zərqami müxtəlif ölkələrin bir sıra turizm nazirləri ilə görüşəcək.

Zərqami Özbəkistana səfəri zamanı Özbəkistan rəsmiləri ilə də görüşərək  iki ölkə arasında turizm sahəsində əməkdaşlığın gücləndirilməsi yollarını müzakirə edəcək.

Oktyabrın 18-də və 19-da  Səmərqənddə Dünya Turizm Təşkilatının  Baş Assambleyasının 25-ci sessiyası keçiriləcək.

Qeyd edək ki, Ümumdünya Turizm Təşkilatının Baş Assambleyasının sessiyası təşkilata üzv dövlətlərin turizm sektorunun rəsmilərinin iştirak etdiyi UNWTO-nun ən nüfuzlu illik toplantısıdır. Özbəkistan tarixində ilk dəfədir ki, bu qurumun sessiyasına ev sahibliyi edir.