İran və Azərbaycan Respublikasının xarici işlər nazirləri Moskvada görüşüb və müzakirə ediblər

İranın xarici işlər naziri Moskvada Azərbaycanın xarici işlər naziri ilə görüşündə iki ölkə prezidentlərinin son görüşünü ikitərəfli münasibətlərdə dönüş nöqtəsi kimi qiymətləndirib.

İran İslam Respublikası və Azərbaycan Respublikasının xarici işlər nazirləri Hüseyn Əmir-Abdollahian və Ceyhun Bayramov çərşənbə axşamı Moskvada Xəzəryanı ölkələrin xarici işlər nazirlərinin iclası çərçivəsində görüşüb və müzakirələr aparıblar.

Bu görüşdə Əmir-Abdullahian iki ölkə arasında  əməkdaşlıq üçün çoxlu mövzuların olduğunu bildirib və deyib: Siyasi, iqtisadi, ticarət və tranzit sahələrində işlər yaxşı gedir.

Azərbaycan Respublikasının Xarici İşlər Naziri də  bu görüşlərin ikitərəfli əməkdaşlığın inkişafına kömək edə biləcəyini söyləyib.

Dünən İran İslam Respublikasının diplomatik xidmətinin rəhbəri beş Xəzər dənizi sahili ölkəsinin (İran, Rusiya, Azərbaycan, Qazaxıstan və Türkmənistan) xarici işlər nazirlərinin iclasında iştirak edib və bu iclasda çıxış etməklə yanaşı,  Rusiya, Türkmənistan və Qazaxıstan xarici işlər nazirləri ilə də ikitərəfli görüşlər keçirib və müzakirələr aparıb.