Seçki mitinqi zamanı Trampa sui-qəsd edildi

ABŞ-ın keçmiş prezidenti Donald Tramp Pensilvaniya ştatının Batler şəhərində seçki mitinqində çıxış edərkən sui-qəsd nəticəsində yaralanıb.

Tramp bu sui-qəsddən sonra sağ qulağında qan göründüyü halda  təhlükəsizlik qüvvələri tərəfindən səhnədən uzaqlaşdırılıb. 

Hadisə yerində olan müxbirlərin məlumatına görə, gizli xidmət agentləri Trampa tərəf qaçmazdan əvvəl bir neçə partlayış səsi eşidilib. 

Məlumata əsasən atəş açmaqda şübhəli bilinən şəxs gizli xidmət agentləri tərəfindən hadisə yerində güllələnərək öldürülüb. Həmçinin bir tamaşaçı həlak olub, iki nəfər yaralanıb.

Mitinqin birinci sıralarında olan Konqresin respublikaçı nümayəndələrindən biri dildirib ki, 8-10 güllə səsi eşidib və çox güman ki, orada olan insanlardan bir neçəsinə güllə dəyib.