Ղալիբաֆ. Պահանջում ենք պատժամիջոցների լիարժեք չեղարկումը
Իրանի իսլամական խորհրդարանի նախագահն ասել է.«Պահանջում ենք պատժամիջոցների լիարժեք չեղարկումը»:
Իրանի ռադիոհեռուստատեսության լրատվական գործակալության հաղորդման համաձայն, կիրակի օրը, խորհրդարանի դռնբաց նիստում, Մոհամմեդ Բաղեր Ղալիբաֆն ասել է.«Իսլամական հեղափոխության գերագույն առաջնորդի կողմից մշակված քաղաքականությանը համահունչ, ձգտում ենք բոլոր պատժամիջոցների ամբողջական, գործնական և անհապաղ չեղարկմանը»:
«Իրանի թշնամիները թող իմանան, որ չնայած Իրանի ժողովուրդը ձգտում է պատժամիջոցների չեղարկման, բայց երբեք չի սպասելու նրանց քայլին»,-ասել է Ղալիբաֆը:
Նշելով, որ նախաձեռնողն Իրանն է, Ղալիբաֆն ասել է.«Բանակցություններում հապաղելու և ագահության փոխարեն, ավելի լավ է թշնամիները գործնական քայլեր ձեռնարկեն պատժամիջոցների չեղարկման ուղղությամբ, քանի որ, որքան շատ ժամանակ է անցնի, նրանք ավելի մեծ գին են վճարելու ՀԳՀԾ-ին վերադառնալու համար»:
Նշելով, որ Իսլամական հեղափոխության գերագույն առաջնորդի խոհեմ ղեկավարության ներքո, ձևավորվել է ԻԻՀ պաշտոնատարների միահունչ ձայնը, Իրանի իսլամական խորհրդարանի նախագահն ասել է.«Այս միաբանությունը մինչ օրս ազդեցիկ դերակատարություն է ունեցել թշնամու հավակնությունների դեմ պայքարում»:
