Մյունխենի անվտանգության համաժողովի շրջանակում հանդիպել են Իրանի և Հայաստանի արտգործնախարարները
Շարունակելով իր հանդիպումները Մյունխենի 58-րդ անվտանգության համաժողովի մասնակից ԱԳ նախարարների հետ,Հոսեյն Ամիր Աբդոլլահյանը նաև հանդիպել է Հայաստանի արտգործնախարար Արարատ Միրզոյանի հետ:
Հանդիպման ժամանակ կողմերը մտքեր են փոխանակել երկկողմ հարաբերությունների ընդլայնման և տարածաշրջանային ու միջազգային հարթակում կողմերին հուզող մի շարք ընդհանուր հարցերի շուրջ:
Իրանի ԱԳ նախարարության կայքի փոխանցմամբ՝ Ամիր Աբդոլլահյանն ասել է,որ ընդլայնվում են Թեհրանի և Երևանի երկկողմ հարաբերությունները:
Նա հավելել է.-«Ամենակարճ ժամկետում տարանցիկ ճանապարհի բացումը վկայում է կայուն բարիդրացիական հարաբերությունները պահպանելու երկու երկրների ջանքերի մասին»։
Իրանի ԱԳ նախարարն անհարժեշտ է համարել երկու երկրի ԱԳ նախարարությունների քաղաքական գերատեսուչների նիստի անցկացումը՝ հարաբերությունների տարբեր հարթությունները քննարկելու և երկկողմ համագործակցության փաստաթուղթ մշակելու նպատակով:
Հանդիպման ժամանակ Ամիր Աբդոլլահյանը Կովկասի տարածաշրջանում կայունության և անվտանգության պահպանումը համարել է Իրանի Իսլամական Հանրապետության առաջնահերթությունը և ընդգծել է,որ Թեհրանը դեմ է տարածաշրջանում ցանկացած աշխարհաքաղաքական փոփոխության:
Հանդիպման ընթացքում Հայաստանի արտգործնախարար Արարատ Միրզոյանը շնորհակալություն է հայտնել Իրանին՝ տարածաշրջանում խաղաղության և կայունության պահպանման գործում ցուցաբերած աջակցության համար և զեկույց է ներկայացրել Կովկասում վերջին զարգացումների վերաբերյալ։
Ամիր Աբդոլլահյանին կրկին հրավիրելով Երևան, Հայաստանի արտգործնախարարն ընդգծել է. «Երևանը ցանկանում է լրջորեն հետամուտ լինել երկու երկրների միջև սահմանված համատեղ ծրագրերին և պատրաստ է այդ կապակցությամբ Իրան գործուղել տնտեսական, առևտրային և տեխնիկական պատվիրակություններ»:
