Գազայում Սիոնիստական ռեժիմի ոճրագործությունների պատվիրատուներն ու կատարողները պետք է պատժվեն իրենց գործողությունների համար. Ամիր Աբդոլլահյան
Իրանի արտգործնախարարը Սաուդյան Արաբիայի Ջիդդա քաղաքում Պաղեստինի հարցով Իսլամական համագործակցության կազմակերպության նիստում ասել է. «Գազայում Սիոնիստական ռեժիմի ոճրագործությունների պատվիրատուներն ու կատարողները պետք է դատապարտվեն և պատժվեն իրենց գործողությունների համար»:
Հոսեյն Ամիր Աբդոլլահյանը հավելել է. -«Անհրաժեշտ է պատվիրակություն ուղարկել Գազա, որպեսզի մոտիկից հետաքննի իրավիճակը և տեղեկանա Սիոնիստական ռեժիմի ոճրագործությունների ու ցեղասպանության մասին»։
Նա նաև նշել է. «Մուսուլման իրավաբաններից կազմված խումբ պետք է ստեղծվի՝ պաշտպանելու ճնշված պաղեստինյան ազգի իրավունքները, և պատասխանատվության ենթարկվեն այդ ռազմական հանցագործությունների պատվիրատուներն ու կատարողները:
Իրանի արտաքին գործերի նախարարն ընդգծել է. «Պետք է դադարեցվի Թել-Ավիվի՝ մարդկության դեմ այս հանցագործությունը... Իսլամական երկրները պետք է խզեն հարաբերությունները Իսրայելի հետ և պատժամիջոցներ կիրառեն այս պետության նկատմամբ՝ այդ հանցագործությունների շարունակությունը կանխելու նպատակով»: