Իրանն ու Ղրղզստանը դեմ են տարածաշրջանում արևմտյան երկրների ներքին գործերին միջամտությանը
ԻԻՀ և Ղրղզստանի ազգային անվտանգության գերագույն խորհրդի քարտուղարները դեմ են արտահայտվել տարածաշրջանի երկրների ներքին գործերին միջամտելու և սեփական նպատակներն ու պահանջներն այդ երկրներին պարտադրելու Արևմուտքի վարած քաղաքականությանը։
ԻՌՆԱ-ի հաղորդմամբ՝ Բիշքեկում կայացած հանդիպմանն Ալի Աքբար Ահմադիանը և Մարատ Իմանկոլովը քննարկել են արևմտյան որոշ երկրների կողմից Աֆղանստանում գործող ահաբեկչական խմբավորումների ֆինասնավորման և Արևմտյան Ասիայում այդ խմբավորումների գործունեությունն ըդնլայնելուն ուղղված ջանքերի կապակցությամբ։
Կողմերը քննարկել են նաև քաղաքական, անվտանգության և ռազմական ոլորտներում համագործակցության ընդլայնման և ահաբեկչության, հատկապես՝ ԻԼԻՊ-ի դեմ պայքարի հետ կապված հարցեր։
ԻԻՀ առաջնորդի ներկայացուցիչ և Իրանի ազգային անվտանգության գերագույն խորհրդի քարտուղար Ալի Աքբար Ահմադիանն իր ղրղզ գործընկերոջ պաշտոնական հրավերով, գլխավոելով բարձրաստիճան պատվիրակության, հինգշաբթի օրը մեկնել է Բիշքեկ՝ մասնակցելու Աֆղանստանի հարցով տարածաշրջանի երկրների ազգային անվտանգության քարտուղարների 6-րդ հանդիպմանը։
Հանդիպմանը ներկա են եղել ԻԻՀ, Ռուսաստանի, Չինաստանի, Հնդկաստանի, Պակիստանի, Տաջիկստանի, Ղրղզստանի, Ղազախստանի, Ուզբեկստանի և Թուրքմենստանի ազգային անվտանգության գերագույն խորհրդի քարտուղարները։
