Լարիջանի.«Շարունակվում է Իրան-Ռուսաստան համագործակցությունն ահաբեկչության դեմ մղվող պայքարում»
Իրանի իսլամական խորհրդարանի նախագահն ասել է.«Իրանի և Ռուսաստանի բանակցությունները շարունակվում են ահաբեկչության դեմ պայքարի և այս բնագավառում համագործակցության շուրջ»:
Երկուշաբթի օրը Մոսկվայում ՌԴ Պետդումայի նախագահ Վյաչեսլավ Վոլոդինի հետ հանդիպումից հետո, Ալի Լարիջանին լրագրողների հետ ճեպազրույցի ժամանակ ասել է.«Ահաբեկչության դեմ պայքարի ոլորտում Իրանն ու Ռուսաստանը համագործակցում են: Երկու երկրները ծանր հարված հասցրին ահաբեկիչներին, հատկապես Սիրիայում գտնվող ԻԼԻՊ խմբավորմանը»:
Սիրիայում Իրանի դիրքերին հարվածելու կապակցությամբ Սիոնիստական ռեժիմի պարագլուխների հայտարարությունների մասին Լարիջանին ասել է. «Սիրիայում Իսրայելի ռեժիմը մշտապես միլիտարիստական ու ագրեսիվ վերաբերմունք է դրսևորել»:
«ՄԱԿ-ը պետք է որոշի թմրանյութերի դեմ մղվող պայքարում երկրների բաժնեմասը և միայն Իրանը չպետք է գին վճարի այս պայքարի համար», ընդգծել է Իրանի իսլամական խորհրդարանի նախագահը:
