Էրաղչի.«ԱՄՆ-ն չի կարող միայնակ որոշում ընդունել ՀԳՀԾ-ի վերաբերյալ»
Իրանի ԱԳ նախարարի քաղաքական հարցերով տեղակալն ասել է.«Համատեղ գործողությունների համապարփակ ծրագիրն ԱՄՆ-ի սեփականությունը չէ, հետևաբար այդ երկիրը չի կարող ցանկացած որոշում ընդունել այս պայմանագրի վերաբերյալ»: Այս մասին հաղորդել է ԻՍՆԱ լրատվական գործակալությունը:
Նշելով,որ Համատեղ գործողությունների համապարփակ ծրագիրը պատկանում է միջազգային հանրությանն ու այն երկրներին, որոնք բանակցություններ են անցկացրել, Աբբաս Էրաղչին հավելել է.«ՀԳՀԾ-ն շատ կարևոր համաձայնագիր է, որի հզոր կողմերից մեկը Ռուսաստանն է»:
«Ռաշա Թուդեյ» (Russia Today) հեռուստաընկերությանը տված հարցազրույցում, Աբբաս Էրաղչին հստակեցրել է.«Իրանի հետ միջուկային բանակցություններում Ռուսաստանը գլխավոր կողմերից էր և որքան ՀԳՀԾ-ն պատկանում է Իրանին, նույնքան էլ պատկանում է ՌԴ-ին և «5+1» խմբի մյուս անդամներին»:
Անդրադառնալով Սիրիայի իրադարձություններին, Էրաղչին ասել է.«Սիոնիստական ռեժիմը փորձում է սրել տարածաշրջանում տիրող լարվածությունը, ինչից պետք է զգուշանան բոլոր հակամարտ կողմերը»:
Կարևորելով Թեհրան-Մոսկվա հարաբերությունները, Իրանի ԱԳ նախարարի քաղաքական հարցերով տեղակալն ասել է. «Այս հարաբերություններն ընդգրկում են քաղաքական, տնտեսական ու ռազմավարական տարբեր ոլորտներ»:
