Մամուլի տեսություն - 17.1.2023

Ամերիկայում, որպես մի երկիր, որն ամենից շատ պնդում է կանանց իրավունքները պաշտպանելու և կանանց իրավունքները ոտնահարելու պատրվակով պատժամիջոցներ է կիրառում այլ երկրների նկատմամբ, ամեն ամիս 70 կին սպանվում է իրենց պաշտոնական և ոչ պաշտոնական ամուսինների կողմից։

Վաթան Էմրուզ  օրաթերթ

Անգլիացի ցուցարարների ճնշումը և լրատվամիջոցների խաբեությունը

Անցած ամիսների ընթացքում արևմտյան երկրները, իրանական ոստիկանությանը, անկարգություններին և փողոցային անկարգություններին, դիմակայելու պատրվակով, որքան կարող էին միջամտեցին Իրանի ներքին գործերին։ Ոստիկանության պաշտոնյաների, դատական համակարգի դեմ խստացնող պատժամիջոցների կիրառումը, ՄԱԿ-ի կանանց հանձնաժողովից Իրանին հեռացնելը, հակադիվանագիտական և քաղաքական միջոցները և լրատվամիջոցների քարոզչությունը նրանց գործողությունների մի մասն են միայն։

Իրանում անկարգությունների դեմ պայքարում ոստիկանության գործողությունների դեմ արևմտյան քարոզչությունն այն դեպքում է, երբ արևմտյան երկրներն իրենք իրենց երկրներում հակակառավարական ցույցերի դեմ պայքարի փայլուն փորձ չունեն, և եվրոպական մայրաքաղաքներում ամենափոքր փողոցային բողոքի ցույցերը լինում են բռնի, արագ արձագանքելով ոստիկանության և անվտանգության ուժերի կողմից:

Ջավան օրաթերթ

Իրանի կողմից նանոտեխնոլոգիայի գագաթները նվաճելու աշխարհի գիտական կենտրոնների հիացմունքն ու հաստատումը

Աշխարհի հեղինակավոր գիտական կենտրոնները խոստովանում են, որ Իրանն աշխարհում առաջատար է ոչ միայն նանոգիտության արտադրության ծավալներով, այլ նաև գիտական նվաճումների ուղղությամբ և որակով: Այս զեկույցում, հիմնվելով փաստաթղթերի և վիճակագրության տվյալների վրա, մենք հայացք ենք նետել նանո ոլորտում Իրանի ապշեցուցիչ զարգացումներին:

Վերջերս Իրանի «Գիտության և նանոտեխնոլոգիայի զարգացման ազգային փաստաթղթի» հաստատմամբ՝ երկրում սկսվել է նանոտեխնոլոգիայի զարգացման երրորդ տասնամյակը, և երկիրը նանոտեխնոլոգիայի տնտեսական և սոցիալական արդյունքներից օգտվելու և նանոտեխնոլոգիայի համաշխարհային մրցակցությանն մասնակցելու իր ճանապարհը մինչև   իրանական 1412 թվականի հորիզոնին, ավելի հարթ է դարձել։

Քեյհան օրաթերթ

Ամեն ամիս Ամերիկայում 70 կին սպանվում է իրենց պաշտոնական և ոչ պաշտոնական ամուսինների կողմից

Մի երկրում, որը կանանց իրավունքների պաշտպանության ամենամեծ հավակնորդն է և կանանց իրավունքները ոտնահարելու պատրվակով պատժամիջոցներ է կիրառում այլ երկրների նկատմամբ, կանայք ապահովություն չունեն նույնիսկ իրենց ընտանիքներում: Արևմուտքի հեղինակավոր կենտրոնների հետազոտության ապշեցուցիչ արդյունքները ցույց են տալիս, որ Ամերիկայում ամեն ամիս մոտ 70 կին սպանվում է իրենց ամուսինների կամ ոչ ֆորմալ կյանքի գործընկերների կողմից հրազենով։

Վաշինգտոնն ունի ցուցակ, որտեղ գրված է այն երկրների անունները, որոնք «անկախ» են, և, Եվրախորհրդարանի պատգամավոր Նիկ Ուոլեսի խոսքերով, եվրոպական երկրների նման չի վերահսկում նրանց սանձերը։ Սրա արդարացումները միշտ նույնն են։ Օրինակ՝ մարդու իրավունքները ոտնահարելու կամ կանանց իրավունքները ոտնահարելու արդարացում։ Ամերիկայի ամենամեծ մարտահրավերից մեկն Իրանն  է, որը կանգնած է այս երկրի գերիշխանության դեմ և չորս տասնամյակ ճաշակում  է անկախության քաղցր համը։

Էթելաաթ օրաթերթ

Ֆրանսիացիների շտապում են  դեպի գազալցակայաններ՝ վառելիքի ճգնաժամի վախի պատճառով

Ֆրանսիայի քաղաքացիները շտապել են գազալցակայաններ՝ վախենալով վառելիքի ճգնաժամի կրկնությունից՝ հունվարի 19-ին (այս շաբաթվա հինգշաբթի օրը) գործադուլներ և միլիոնավոր զանգվածային ցույցեր կազմակերպելու արհմիությունների առաջնորդների համատարած կոչերից հետո:

«Le Parisin» թերթը հայտարարեց, որ ֆրանսիացիները շտապել են բենզալցակայաններ և որոշ կայաններում ժամանակավորապես սպառվում է վառելիքը։ Ֆրանսիական այս թերթն ընդգծել է, որ երկրի նավթավերամշակման գործարաններում գործադուլի վտանգ կա։ Որոշ կայանատերեր էլ հայտարարել են, որ ստեղծված պայմաններից ելնելով` քաղաքացիները սովորականից կրկնակի հաճախ են գալիս վառելիք ստանալու։

tert.am

Պետնախարար Ռուբեն Վարդանյանը հրատապ խորհրդակցություն է հրավիրել

Արցախի Հանրապետության պետական նախարար, օպերատիվ շտաբի պետ Ռուբեն Վարդանյանն այսօր հրատապ խորհրդակցություն է հրավիրել Հայաստանից Արցախ գազամատակարարումը Ադրբեջանի կողմից խափանելու հետ կապված:

Քննարկվել են ստեղծված իրավիճակում կենսական նշանակության օբյեկտների անխափան գործունեության ապահովմանը վերաբերող հարցեր: Պետնախարարը ենթակառուցվածքային ոլորտների պատասխանատուներին հանձնարարել է  միջոցառումներ ձեռնարկել այլընտրանքային եղանակներով  նշված օբյեկտների գործունեությունը և բնակչության նվազագույն պահանջարկը ապահովելու համար:

Տեղեկացնենք, որ հունվարի 9-ից ադրբեջանական վերահսկողության տակ գտնվող տարածքից անջատվել էր նաև Հայաստանից դեպի Արցախ էներգասնուցումը: Ադրբեջանական կողմը հնարավորություն չի տալիս մասնագետներին մոտենալ և հասկանալ պատճառները՝ անհրաժեշտության դեպքում վթարավերականգնողական աշխատանքներ իրականացնելու համար: Ձմռան պայմաններում Արցախի 120 հազար բնակչությունը փաստացի զրկված է էներգամատակարարումից և արդեն նաև՝ գազամատակարարումից:

Հանրապետությունում ներկայումս  էներգամատակարարում իրականացվում է միայն ներքին՝ խիստ սահմանափակ ռեսուրսների հաշվին:

tert.am

Ադրբեջանը կրկին արգելափակել է Արցախին գազի մատակարարումը

Ադրբեջանը կրկին արգելափակել է Հայաստանից Արցախը սնուցող միակ գազատար խողովակը՝ Արցախի բնակչությանը զրկելով բնական գազի օգտագործման հնարավորությունից։

Այս մասին տեղեկացնում է Արցախի տեղեկատվական շտաբը։

«Արցախգազ» ՓԲ ընկերությունը հայտնում է, որ հանրապետությունում գազամատակարարումը դադարեցվել է ժամը 13։00֊ի դրությամբ:

armenpress.am

Շրջափակված Արցախում կան ՌԴ և այլ երկրների քաղաքացիներ. նրանց մի մասին հաջողվել է դուրս բերել

Շրջափակման հետևանքով Արցախում մնացած Ռուսաստանի և այլ երկրների քաղաքացիներ դուրս են բերվել Արցախից։ Այս մասին «Արմենպրես»-ը տեղեկանում է Արցախի Հանրապետության պետնախարար Ռուբեն Վարդանյանի «Տելեգրամ»-ի էջից։

«Շրջափակման հետևանքով Արցախում մնացել են Ռուսաստանի և այլ երկրների քաղաքացիներ։ Ընտանիքները, այդ թվում՝ երեխաներ ունեցողներ, արգելափակվել են ավելի քան մեկ ամիս։ Արցախի կառավարությունը Ռուսաստանի Դաշնության խաղաղապահների հետ համատեղ վաղուց նախապատրաստել և այսօր կազմակերպել է նրանց մի մասի վերադարձը հայրենիք։ Սակայն Արցախի 120 հազար քաղաքացիների, այդ թվում՝ 30 հազար երեխաների համար անմարդկային շրջափակումը շարունակվում է»,- գրել է Վարդանյանը։

armenpress.am

Բաքվի հայերի ջարդերն Ադրբեջանի ցեղասպան քաղաքականության ամենաարյունալի դրսևորումներից են. Դավիթ Բաբայան

Արցախի Հանրապետության արտաքին գործերի  նախկին նախարար, փորձագետ  Դավիթ Բաբայանը Բաքվի հայերի ջարդերը Ադրբեջանի կողմից իրականացվող ցեղասպան քաղաքականության դրսևորումներից և ամենաարյունալի դեպքերից մեկն է համարում:

Բաքվի հայերի ջարդերի 33-րդ տարելիցի կապակցությամբ  «Արմենպրես»-ի հետ զրույցում Դավիթ Բաբայանն ընդգծեց, որ 1990 թ. հունվարի 13-ը հայ ժողովրդի պատմության ամենաողբերգական և սև էջերից մեկն է: «Այդ օրը Ադրբեջանի մայրաքաղաք Բաքվում սկսվեցին հայերի զանգվածային ջարդերը:  Պետք է լինենք միասնական, ճիշտ քաղաքականություն վարենք, կիրթ և հայրենասեր հասարակություն ձևավորենք. միայն այդ դեպքում հնարավոր կլինի խուսափել Բաքվում տեղի ունեցած ջարդերի նման ծանր փորձություններից»,- ասաց Բաբայանը:

Նրա խոսքով՝ տասնամյակներ շարունակ Ադրբեջանի կողմից  իրականացվել են  հայաթափման ծրագրեր,  ու Բաքվի ջարդերն էլ Ադրբեջանի կողմից իրականացվող  ցեղասպան քաղաքականության ամենաարյունալի դեպքերից են  եղել:

«Սա մեր ամենացավոտ թեմաներից մեկն է, և, ցավոք սրտի, միջազգային հանրության կողմից որևէ պատշաճ գնահատականի չի արժանացել, այդ իսկ պատճառով Ադրբեջանը առ այսօր շարունակում է իր քաղաքականությունը: Եվ այսօր Արցախի շրջափակումն այդ նույն ցեղասպան քաղաքականության մի դրսևորում է»,- ասաց Բաբայանը:

Նա ընդգծեց, որ կան բազմաթիվ խնդիրներ, և  հայ ժողովրդի  առջև կանգնած է 4 կարևորագույն համազգային խնդիր՝ Արցախի ճակատագիրը, Հայոց ցեղասպանության միջազգային ճանաչումը, հայ ազգային ինքնության պահպանումը Սփյուռքում և Սևանա լճի փրկությունը: «Հաշվի առնելով, որ ամենավտանգվածը  այս պահին Արցախն է, հետևաբար արցախակենտրոնությունը պետք է լինի գլխավոր արտաքին քաղաքական հրամայականը, գոնե կարճատև ժամանակահտված, որպեսզի այս ճգնաժամային իրավիճակից   կարողանանք դուս գալ»,- ասաց նա:

news.am

Թուրքիան մարտական անօդաչուները փորձարկել է Լեռնային Ղարաբաղում. թուրք քաղաքագետ

2022թ. թուրքական զենքի արտահանումը գերազանցել է 4 մլրդ դոլարը, ինչը մոտ 36 տոկոսով ավելին է, քան մեկ  տարի առաջ։ Ընդ որում՝ արտահանման 98 տոկոսը կազմել է Bayraktar անօդաչուների վաճառքը։ Այս մասին haqqin.az-ին ասել է թուրք քաղաքագետ Իրֆան Քայա Ուլգերը։

Նրա կարծիքով՝ Անկարայի ռազմարդյունաբերական համալիրում կա մարտական դրոնների եւ այլ զինատեսակների արտադրության ծավալները երկրաչափական պրոգրեսիայով ավելացնելու պոտենցիալ։ Թուրքական ռազմարդյունաբերական համալիրի զարգացման համար կարեւոր էր Bayraktar անօդաչուների կիրառումը Լեռնային Ղարաբաղի դեմ ագրեսիայի ժամանակ։

«Մի կողմից՝ Անկարան հզոր աջակցություն ցուցաբերեց եղբայրական Ադրբեջանին, մյուս կողմից՝ մարտական պայմաններում փորձարկեց եւ ամբողջ աշխարհին ցուցադրեց սեփական ռազմական տեխնոլոգիան,- ասել է Ուլգերը։- Մինչեւ վերջերս Թուրքիան որոշակի դժվարություններ ուներ ՆԱՏՕ-ի սպառազինությունում գտնվող դրոնների ձեռքբերման հարցում։ Անկարա այդ անօդաչուները մատակարարում էին կամ բազմաթիվ նախապայմաններով, կամ առհասարակ չէին մատակարարում։ Իսկ հիմա պատկերը կտրուկ փոխվել է, եւ Թուրքիան դարձել է մարտական եւ հետախուզական դրոնների աշխարհի առաջատար մատակարարներից մեկը։ Bayraktar-ի հիմնական գնորդները Բալկանյան թերակղզու երկրներն են, Սուդանը, Լիբիան եւ այլն»։ Քաղաքագետի խոսքով՝ թուրքական անօդաչուների հաջողությունը զենքի համաշխարհային շուկայում կատալիզատորի դեր է խաղացել Թուրքիայի Հանրապետության ռազմարդյունաբերական համալիրի այլ ոլորտների զարգացման գործում։

news.am

Աղետը շեմին է, իշխանությունը՝ սալոնային հյուրախաղերի, իսկ դիմացը՝ անգործություն. Վահե Հովհաննիսյան

«Մեկը չկա՞, որ մոլորված դաշնակահարին ասի. երբ դու նախագահ ես ու քո ժողովրդի մի մասը գտվում է ցեղասպանության վտանգի տակ (քո իսկ վարչապետի ձևակերպմամբ), ապա իրավունք չունես օտար երկիր պաշտոնական այցի ժամանակ դաշնամուր նվագելու։ Այս մասին իր հոդվածում գրել է «Այլընտրանքային նախագծեր խմբի»  համահիմնադիր Վահե Հովհաննիսյանը:

Նա նաեւ նշել է. «Ի՞նչ ես ուզում դրանով ասել, որ անհո՞գ ես, թքա՞ծ ունես 120  հազար հայի վրա, թե՞ մեսիջ ես ուղարկում միջազգային հանրությանը, թե ամեն ինչ նորմալ է, իր հունով գնում է։ Պաշտոնական ելույթի ժամանակ էլ միակ նշանակալի բանը, որ անում է, ՆԱՏՕ-ի անդամ երկրում Ռուսաստանից բողոքելն է։ Նա ընդհանրապես հասկանո՞ւմ է՝ պետությունը ի´նչ է, աղետը ի´նչ է։

Մենք առաջին խելագար պետությունն ենք կարծես թե։ Նախորդ նախագահը, երկիրը աղետի շեմին թողնելով, գաղտագողի Աբու-Դաբիից ճողոպրեց ու հիմա տաք Լոնդոններից մտահոգություններ է արտահայտում։

Վաղը, երբ Հայաստանում մեծ ողբերգությունը կայանա, էլի նրանցից մեկը դաշնամուր է նվագելու, մյուսը՝ ցավակցական Tweet ուղղի սեփական ժողովրդին։

Ամեն ինչ պետք է արվի, որ երբ գա ժամանակը, բոլորի դերակատարումը այս մեծ պատմական աղետի մեջ պարզվի։ Մի օր պետք է պարզել պատերազմի օրերին և դրանից որոշ ժամանակ առաջ Անվտանգության Խորհրդի բոլոր անդամների պահվածքը, հանդիպումները, դերակատարումը՝ ո´ր երկրում էլ ապրեն, ո´ր ռեյսով էլ գնացած լինեն։