Foreign Policy. Եմենը ահավոր բարդացրել է պայմանները Ամերիկայի և նրա դաշնակիցների համար
ParsToday - Ամերիկյան «Foreign Policy» հրատարակությունը խոստովանել է ԱՄՆ ռազմածովային ուժերի և նրա դաշնակիցների թուլությունը՝ Եմենի զինված ուժերի ռազմական հզորության դեմ պաղեստինյան գրավյալ նավահանգիստներ մեկնող նավերի անվտանգությունը պաշտպանելու հարցում:
Ամերիկյան Foreign Policy հրատարակությունը Սանաայի զենքի հսկայական զինանոցը համարել է լուրջ խնդիր Եմենի դեմ ԱՄՆ ռազմածովային կոալիցիայի համար և խոստովանել, որ ամերիկյան կոալիցիան Եմենի դեմ չափազանց մեծ խաղի մեջ է մտել զինամթերքի սակավության պայմաններում։
Հղում անելով Մեհր լրատվական գործակալությանը՝ ParsToday-ը հաղորդել է, որ ամերիկյան այս պարբերականը մատնանշել է Եմենում բրիտանա-ամերիկյան ռազմածովային կոալիցիայի և նրանց եվրոպացի դաշնակիցների հսկայական ռազմական ծախսերը և գրել, որ Կարմիր ծովում ամերիկյան ռազմածովային ուժերը և նրանց դաշնակիցները ոչ միայն հուսահատվել են Սանաայի դեմ ամիսներ տեւած լայնածավալ գործողություններից հետո, այլեւ այս ընդհատումները, անկայուն ու լարված իրավիճակը և հսկայական պատերազմական ծախսերը ավելի են բարդացրել իրավիճակը։
Վկայակոչելով ռազմական փորձագետների հայտարարությունները՝ ամերիկյան այս հրատարակությունը գրել է, որ Եմենի զինված ուժերն ապացուցել են, որ ունեն զարմանալի հնարավորություններ և ակտիվ գործելու բարձր մակարդակ, միևնույն ժամանակ, ունեն մեծ զինանոց, որը, առանց չափազանցության, ունակ է դժվարություններ առաջացնել արևմտյան ռազմածովային կոալիցիայի համար:
Foreign Policy-ն խոստովանել է, որ Սանաայի հարձակումներն ուղղված են միայն Իսրայելի հետ առնչություն ունեցող կամ այս ռեժիմին աջակցություն ցուցաբերող նավերի, ինչպես նաև Եմենի նկատմամբ ագրեսիա գործած երկրների, այդ թվում՝ ԱՄՆ-ի դեմ:
Ամերիկյան այս հրատարակությունն ընդգծում է, որ թեև Միացյալ Նահանգները և Անգլիան մեծ ջանքեր են գործադրել թուլացնելու Եմենի ռազմական հզորությունը՝ օկուպացված նավահանգիստներ մեկնող բեռնատար նավերը թիրախավորելու հարցում, այնուամենայնիվ այդ ջանքերը նրանց համար ահռելի ու անարդյունք գին են արժեցել:
Foreign Policy ամսագիրը բացահայտել է, որ ԱՄՆ ռազմածովային ուժերը և այդ երկրի ռազմական արդյունաբերության ընկերությունները, ինչպիսին է Raytheon-ը, փորձում են իրենց սպառազինությունը փոխարինել ավելի էժան զենքերով՝ Եմենցիների զենքերին դիմակայելու համար:
Մյուս կողմից, Ամերիկյան «Business Insider» կայքը իր հոդվածում փաստել է Եմենի հեռակառավարվող նավակների հզորությունը և գրել, որ Եմենի հեռակառավարվող նավակները, որոնցից մի քանիսը հիանալի ու առանձնահատուկ են, լուրջ սպառնալիք են Սիոնիստական ռեժիմի նավահանգիստներ մեկնող նավերի անցման համար՝ տարածաշրջանում ԱՄՆ ռազմածովային ուժերի ավիակիրների սակավության պատճառով։
Վերջին ամիսներին, ի աջակցություն Գազայի հատվածում պաղեստինյան ժողովրդի դիմադրության, Եմենի բանակը թիրախավորել է սիոնիստական նավերը կամ այն նավերը, որոնք Կարմիր ծովում Բաբ ալ-Մանդաբ նեղուցի միջոոցով ուղեւորվում էին դեպի պաղեստինյան օկուպացված տարածքներ:
Եմենի բանակի ուժերը պարտավորվել են շարունակել հարձակումները այս ռեժիմի նավերի կամ Կարմիր ծովում գրավյալ տարածքներ մեկնող նավերի վրա, քանի դեռ Սիոնիստական ռեժիմը չի դադարեցնել իր հարձակումները Գազայի վրա։
Բանալի բառեր՝ Եմենի բանակի ուժեր, Foreign Policy ամսագիր, ԱՄՆ ռազմածովային ուժեր, Կարմիր ծով, սիոնիստական նավ