Ermənistan Azərbaycan bazarına çıxış imkanlarını genişləndirməyə çalışır

Pars Today-in məlumatına görə, Ermənistan hökuməti Avropaya daşınma problemləri və Rusiya bazarında yaranmış məhdudiyyətlər fonunda yeni ixrac istiqamətləri axtarır. Baş nazir Nikol Paşinyan erməni şirkətlərinin yaxın vaxtlarda məhsullarını Azərbaycana ixrac etməyə başlaya biləcəyini açıqlayıb.

▫️ 2026-cı ilin ilk yarısında Azərbaycanın Ermənistana ixracının həcmi 17 milyon dolları ötüb. Eyni dövrdə Ermənistanın Azərbaycana ixracı isə cəmi 960 dollar təşkil edib. Bu məbləğ də birbaşa ixracdan əldə olunan gəlir hesab edilmir.

▫️ Bununla belə, Ermənistanın Azərbaycana ixrac potensialı kifayət qədər məhduddur. İlk növbədə, Bakının erməni təchizatçıları üçün, xüsusilə yerli istehsalçılarla birbaşa rəqabət aparan məhsullar üzrə xüsusi şərtlər yaratması ehtimalı azdır.

▫️ Digər tərəfdən, Ermənistanın da Azərbaycan bazarına çıxara biləcəyi spesifik və unikal məhsulların çeşidi məhduddur.

▫️ Nəticə etibarilə, iki ölkə arasında ticarət əlaqələri zamanla formalaşa bilər, lakin onun həcminin Rusiyada itirilən bazarı əvəz etməsi real görünmür.

▫️ Beləliklə, ixracın qonşu ölkələrə yönəldilməsi Ermənistan üçün onilliklər ərzində əsas biznes istiqaməti olmuş Rusiya bazarının tam alternativi deyil. Bu, daha çox yeni satış kanallarının tapılması istiqamətində məcburi axtarış kimi qiymətləndirilə bilər.