İnanclı məhbusun anası: “Polislər məni döyüb, hədələdilər”

Azərbaycan Milli Məclisinə oğlunun həbsinə etiraz etmək üçün gələn Natalya Sadıqova polislərin onu döydüyünü bildirib.

Oğlu Ələkbər Sadıqov son aylar narkotik ittihamı ilə həbs olunan yüzlərlə inanclı şəxsdən biridir. Natalya Sadıqova oğlunun Müsəlman Birliyi Hərəkatının üzvü olduğuna görə şərləndiyini bildirir. O, səsini eşitdirmək üçün Milli Məclisə gələn zaman zorakılıqla üzləşdiyini qeyd edib.

Natalya Sadıqovanın sözlərinə görə, polislər onun saçlarını yolub, qolunu burublar.

O sonra deyib ki, polislər saxlanılan digər valideynləri də təhqir edib, hədələyiblər.

Hüquq müdafiəçiləri Azərbaycanda 3 minə yaxın inanclı şəxsin həbs olunduğunu deyirlər. Onlara qarşı əsasən narkotikin qanunsuz dövriyyəsi ittihamı irəli sürülür.