“Bakı yalnız inteqrasiya prosesləri ilə bağlı danışıqlar aparmağa razıdır”

Qarabağdakı separatçı lider Bakı ilə dialoq imkanının olmadığını bildirib.

Araik Arutyunyan deyib: “Bakı yalnız inteqrasiya proseslərini müzakirə edir. Bunu nəinki bizə deyirlər, BMT-də də deyirlər, dünən də, bu gün də - Blinken-Mirzoyan-Bayramov görüşündə də deyilib. Azərbaycan bizə deyir ki, birinci məsələ "müdafiə ordusunun" buraxılmasıdır. Sonra "dövlət idarəetmə sistemi" ləğv edilməlidir”. Separatçıların başçısı bu tələbləri yerinə yetirməyin mümkün olmadığını qeyd edib.