Avropada yaşayan iranlıların IranAir-ə qarşı sanksiyalara etiraz ərizəsi

 Avropada yaşayan iranlılar elektron petisiyaya başlayaraq, Avropa İttifaqı və İngiltərə hökumətinin "İranAir" aviaşirkətinə sanksiya qoymasına etirazlarını bildiriblər.

Bir nüsxəsi “Çinc” İnstitutunun saytında dərc olunan bu müraciətdə bildirilir: “Avropada yaşayan biz İran vətəndaşları Avropa İttifaqının və İngiltərə hökumətinin “IranAir”-ə qarşı sanksiya qərarından təəssüflənirik. Hər il Avropadakı yüz minlərlə iranlı ailələri və dostları ilə görüşmək üçün bu aviaşirkət vasitəsilə Tehrana səfər edir. Avropa hökumətlərinin son hərəkəti onların səfər planlarını pozmuşdur.”

Avropa ölkələri Tehranın Ukrayna münaqişəsində iştirakını iddia edərək “Iran Air”-ə sanksiya tətbiq edib. İngiltərə hökuməti 10 sentyabr 2024-cü ildə bəyanat yayaraq İranla ikitərəfli hava əlaqəsi müqaviləsini birtərəfli qaydada dayandırdığını elan edib. İngiltərənin nəqliyyat naziri Louise Hague eyni bəyanatda iddia edib: “Biz İrana Vladimir Putinin (Rusiya Prezidenti) qeyri-qanuni işğalına verdiyi dəstəyi dayandırmaq üçün təzyiq göstərmək məqsədilə əlimizdə olan hər vasitədən istifadə edəcəyik. Buna görə də biz İngiltərə və İran arasında birbaşa hava əlaqəsi üzrə bütün müqavilələrin ləğvinə başlamışıq.”