Qəribabadi: İsraili BMT-dən çıxarmağın vaxtı çatıb
Xarici İşlər nazirinin hüquq və beynəlxalq məsələlər üzrə müavini İslam Əməkdaşlıq Təşkilatı və Ərəb Liqası xarici işlər nazirlərinin birgə iclasında sionist rejimin cinayətlərinə toxunaraq deyib: “İndi sionist rejimi BMT-dən çıxarmağın vaxtı çatıb.”
Kazim Qəribabadi İslam Əməkdaşlıq Təşkilatı və Ərəb Liqası xarici işlər nazirlərinin bu gün bazar, noyabrın 10-da Ər-Riyadda sionist rejimin Fələstin və Livandakı hazırkı təcavüzü ilə məşğul olan gündəmlə keçirilən birgə iclasında çıxış edib.
Xarici İşlər nazirinin hüquq və beynəlxalq məsələlər üzrə müavini Ərəb-İslam liderlərinin fövqəladə toplantısından əvvəl keçirilən bu iclasda bölgənin indiki ağır vəziyyətində liderlərin fövqəladə iclasını keçirməsinə görə Səudiyyə Ərəbistanına təşəkkür edərək, Qəzzə zolağı və Livanda baş verən hazırkı hadisələri bəşəriyyət üçün utanc və 70 ildən artıqdır ki, işğal və təcavüz altında əsas hüquqlarından məhrum edilmiş bir xalqa qarşı ikiqat ədalətsizlik adlandırıb.
ABŞ və Qərb ölkələrinin sionist rejimin bölgədəki cinayətləri, o cümlədən hərbi cinayətlər, insanlığa qarşı cinayətlər, etnik təmizləmə, irqi ayrı-seçkilik və müdafiəsiz Fələstin xalqına qarşı soyqırımı kimi cinayətlərinin davam etdirilməsində hərtərəfli dəstəyinə toxunan Qəribabadi vurğulayıb ki, Qərbin qeyri-qanuni övladı olaraq sionist rejim hər cür məsuliyyətdən və cavabdehlikdən qorunub. Belə bir vəziyyətdə Fələstin xalqının işğala və təcavüzə qarşı müdafiə və müqavimət göstərmək üçün qanuni hüququ var və öz təbii hüququndan istifadə etmək üçün heç bir tərəfin icazəsinə ehtiyac yoxdur.
