Avropa İttifaqının sözçüsü Cenevrə görüşü ilə bağlı: İranla müntəzəm əlaqə saxlayırıq

 İran və üç Avropa ölkəsi (İngiltərə, Fransa və Almaniya) arasında danışıqların yeni raundu ərəfəsində Avropa İttifaqının sözçüsü bildirib ki, Aİ Birgə Hərtərəfli Fəaliyyət Planının koordinatoru olaraq İranla öz müntəzəm danışıqlarını davam etdirir.

Prosedur qaydalarına uyğun olaraq adının çəkilməsini istəməyən Avropa İttifaqının sözçüsü bu açıqlamaları İRNA müxbirinin qarşıdakı iclasda Aİ nümayəndəsinin iştirakının mümkünlüyü ilə bağlı sualına cavab olaraq verib.Elan edilmiş cədvələ əsasən, İran və üç Avropa ölkəsi arasında danışıqların yeni mərhələsi gələn bazar ertəsi (13 yanvar 2025-ci il) Cenevrədə keçiriləcək. Xarici İşlər Nazirliyinin hüquq və beynəlxalq məsələlər üzrə müavini Kazım Qəribabadi bildirib ki, bu danışıqlar məsələlərin araşdırılması və çərçivələrin müəyyənləşdirilməsi üçündür. O əlavə edib ki, nəticəni hələlik proqnozlaşdırmaq mümkün deyil.