Dünya Bankının hesabatına görə, İran iqtisadiyyatının 2,2% artacağı gözlənilir.

Dünya Bankı son hesabatında cari ildə İran iqtisadiyyatının 2,2 faiz artacağını proqnozlaşdırıb.

İRNA xəbər agentliyinin verdiyi məlumata görə, Dünya Bankı İranın iqtisadi vəziyyətini qiymətləndirərkən İranın bu il Qərbi Asiya və Şimali Afrika ölkələrinin orta iqtisadi artımına bərabər olan 2,2 faizlik iqtisadi artım gözlədiyini bildirib.

2022-ci ildə Qərbi Asiya və Şimali Afrika iqtisadiyyatlarının orta artımı 5,9% olduğu halda, Dünya Bankının proqnozuna görə, bu rəqəm 2023-cü ildə 2,2%-ə qədər azalacaq.

Dünya Bankının hesablamalarına görə, İran iqtisadiyyatı 2022-ci ildə 2,9 faiz iqtisadi artım əldə edib.

Dünya Bankının 2023-cü ildə İranın iqtisadi artımı ilə bağlı proqnozu yanvar ayı hesabatı ilə müqayisədə dəyişməyib.

Bu hesabatda həmçinin neftin orta qiymətinin 2023-cü ildə 80 dollar olacağı proqnozlaşdırılır. Ötən il neftin orta qiyməti 99,8 dollara çatıb.