Իրանի արտաքին գործերի նախարարի տեղակալը ժամանել է Աֆղանստան

Իրանի փոխարտգործնախարարը ժամանել է Քաբուլ՝ Աֆղանստանի պաշտոնատար անձանց հետ բանակցությունների համար:

Իրանի արտաքին գործերի նախարարի տեղակալ Սեյիդ Աբբաս Էրաղչին այսօր հանդիպում է ունեցել Աֆղանստանի նախագահ Աշրաֆ Ղանիի, գործադիր կառավարության ղեկավար  Աբդուլլահ Աբդուլլահի,  արտգործնախարար Սալահէդդին Ռաբանիի և փոխարտգործնախարար Իդրիս Զամանիի հետ:

Իրանի և Աֆղանստանի հնգյակ հանձնաժողովների գործընթացի քննարկումը, երկու երկրների միջև համապարփակ համագործակցության փաստաթղթի ստորագրումը և թալիբների խմբի հետ խաղաղության բանակցությունները կլինեն Իրանի փոխարտգործնախարար Էրաղչիի բանակցությունների ամենակարևոր հարցերը Աֆղանստանում: