Ուսանողական հանրահավաք՝ Թեհրանում Ֆրանսիայի դեսպանատան առջև
Տասնյակ ուսանողներ, ի պաշտպանություն Ֆրանսիայի հակակապիտալիստական շարժման, հանրահավաք են անցկացրել այդ երկրի դեսպանատան առջև:
Հանրահավաքի մասնակիցներն այսօր դեղին ժիլետներ հագնելով և պլակարդներ կրելով, իրենց աջակցությունն են հայտնել Ֆրանսիայի ժողովրդին: Նրանք դատապարտել են բողոքարարների նկատմամբ Ֆրանսիայի ոստիկանության կողմից կիրառվող բռնությունները:
Ուսանողներն ներքին ու օտարերկրյա լրատամիջոցների լրագրողների ներկայությամբ այդ ինքնաբուխ միջոցառման ընթացքում կարգախոսներ են վանկարկել ԱՄՆ-ի ու Սիոնիստական ռեժիմի դեմ:
Ֆրանսիական «Լը Մոնդ» թերթն ուրբաթ օրը վկայակոչելով այդ երկրի Արդարադատության նախարարության վիճակագրական տվյալները, հաղորդել է, որ Ֆրանսիայի ոստիկանությունը 2018 թվականի նոյեմբերին այդ երկրի բողոքի ակցիաներն սկսվելուց ի վեր ձերբակալել է «Դեղին բաճկոնավորներ» շարժման ավելի քան տասը հազար կողմնակիցների:
Վառելիքի գների բարձրացման դեմ «Դեղին բաճկոնավորներ»-ի շարժումը Ֆրանսիայում սկսվել է 2018 թ. նոյեմբերի 17-ին: Այն ուղղված էր վառելիքի գնի թանկացման դեմ: Գնալով ֆրանսիացի բողոքարարների ակցիաներն ընդլայնվեցին և վերածվեցին Ֆրանսիայի կառավարության քաղաքականությունների դեմ լիարժեք շարժման:
