Իրանը կմասնակցի Հայաստանում ռազմավարական ճանապարհի վերակառուցմանը
Իրանի Իսլամական Հանրապետությունը Հայաստանի հետ համագործակցության օրակարգում ներառել է երկու երկրների միջև բեռնատար մեքենանների այլընտրանքային երթուղու կառուցումը:
Այն բանից հետո, երբ Ադրբեջանը սկսեց խոչընդոտել իրանական բեռնատարների դեպի Հայաստան երրթևեկությանը, Իրանի ճանապարհների և քաղաքաշինության նախարարի տեղակալ և տրանսպորտային ենթակառուցվածքների շինարարության և զարգացման ընկերության գործադիր տնօրեն Խեյրոլլահ Խադեմին այսօր այցել է Հայաստան՝ ծանոթանալու Տաթևի այլընտրանքային ճանապարհի կառուցման աշխատանքներին: Այս ճաանապարհը կօգտագործվի Իրանի Նորդուզի սահմանից Հայաստան մեկնող իրանական տարանցիկ բեռնատարների համար: տաթևից հետո, Խադեմիի գլխավորած պատվիրակությունը կայցելի Երևան:
Այցի ընթացքում, փոխնախարարը կքննարկի Իրանի համագործակցությամբ ու մասնակցությամբ այս ճանապարհի կառուցման հետ կապված հարցերը:
Տաթևի ճանապարհը գործելու է որպես այլընտրանք՝ Գորիս-Կապան ճանապարհի համար: Սակայն հաշվի առնելով տարածշքի ենթակառուցվածքի որոշ թերությունները, ծանր բեռնատարների տեղաշարժն այս ճանապարհով կարող է ուղեկցվոլ բարդություններով:
Հայաստանն Իրանից ներկրում է հիմնականում վառելիք ու նավթամթերք:
Բաքվի կառավարությունը վերջերս դիմեց անբարյացակամ քայլի՝ Գորիս-Կապան երթուղու մի հատվածում տեղադրելով մաքսային անցակետ և դեպի Հայաստան մեկնող իրանական բեռնատար ավտոմեքենաներից 130 դոլար մաքսատուրք պահանջեց:
