Ռուսաստանում երկաթուղիների մասին Փաշինյանի հայտարարությունը «ամբարտավան և կործանարար քայլ» են անվանել

Ռուսաստանին Հարավկովկասյան երկաթուղու կոնցեսիայի հարցով հնարավոր ֆինանսական պահանջներ ներկայացնելու վերաբերյալ Հայաստանի վարչապետ Նիկոլ Փաշինյանի հայտարարությունն ամբարտավան և կործանարար քայլ է համարվում, հայտարարել է ՌԴ Պետդումայի միջազգային գործերի հանձնաժողովի նախագահի առաջին տեղակալ Ալեքսեյ Չեպան, հաղորդում է РИА Новости-ն։

Ռուսաստանցի բարձրաստիճան պաշտոնյայի գնահատմամբ՝ դա ստվեր է գցում երկկողմ հարաբերությունների վրա և վկայում է Հայաստանում ներքին ճգնաժամի մասին։

Ավելի վաղ Փաշինյանը չէր բացառել «Հարավկովկասյան երկաթուղի» ՓԲԸ-ի՝ «Ռուսական երկաթուղիներ»-ի կոնցեսիոն շահագործման հարցով արբիտրաժ դիմելու հնարավորությունը։

Պատգամավորի գնահատմամբ՝ նման սպառնալիքները, որոնք փաթեթավորվել են «բարեկամական կարգավորման» ճակատով, Մոսկվայում չեն կարող ընկալվել այլ կերպ, քան որպես ճնշման և պայմանավորվածությունների վերանայման փորձ։