ԻՀՊԿ. Սիոնիստների դավադրության և չարիքի ռազմավարական կենտրոնը հայտնվեց Կորպուսի հրթիռների թիրախում
ԻՀՊԿ հասարակայնության հետ կապերի վարչությունը տարածել է հայտարարություն, որում նշելով, որ դավադրության ու չարիքի ռազմավարական կենտրոնը հայտնվել է Կորպուսի հրթիռների թիրախում , հավելել է.«Ցանկացած չարիքի կրկնություն կստանա կոշտ, վճռական և կործանարար պատասխան»:
Այսօր առավոտյան Իսլամական հեղափոխության պահապանների կորպուսի կողմից հրթիռային հարձակման են ենթարկվել Իրաքի Էրբիլ քաղաքում Սիոնիստական ռեժիմի հետախուզության և հատուկ գործողությունների կազմակերպություն՝ Մոսադի երկու լրտեսական բազաներ:
Հրթիռային լայնածավալ գործողությունից հետո Էրբիլում ԱՄՆ հյուպատոսությունը ահազանգ է հնչեցրել, և Իրաքում գտնվող ԱՄՆ բոլոր ռազմաբազաները բերվել են պատրաստվածության վիճակի:
«Սեփահ Նյուզ»-ի հաղորդման համաձայն՝ Սիոնիստական ռեժիմի վերջերս իրականացրած սադրանքներից և առավոտյան իրականացված հրիթռային հարձակումից հետո, ԻՀՊԿ-ի հասարակայնության հետ կապերի վարչությունը տարածել է հայտարարություն, որում նշված է.«Սիոնիստական կեղծ ռեժիմի վերջերս իրականացրած ոճրագործություններից հետո, ռեժիմի այդ գործողություններն անպատասխան չթողնելու մասին հայտարարությունից հետո, երեկ գիշեր ԻՀՊԿ-ն իր հզոր հրթիռներով հարձակման է ենթարկել «Սիոնիստների դավադրության ու չարիքի ռազմավարական կենտրոն»-ը»:
Իրանի ժողովրդին ուղղված հայտարարության մեջ ասված է.«Իսլամական հայրենիքի խաղաղությունն ու անվտանգությունը, եղել է Իրանի իսլամական հանրապետության զինված ուժերի կարմիր գիծը և երբեք որևէ մեկի չի թույլատրվի սպառնալ կամ հարձակվել դրա վրա»: