Իրան. Մարդու իրավունքների խորհրդին անդամակցությունը չպետք է քաղաքականացվի
ՄԱԿ-ում Իրանի մշտական ներկայացուցիչ և դեսպանը հայտարարել է, որ կառույցին անդամակցությունը չպետք է քաղաքականացվի:
ՄԱԿ-ի մարդու իրավունքների խորհրդին ՌԴ անդամակցության կասեցման թեմայով ԳԱ արտահերթ նիստում ունեցած ելույթում, Մաջիդ Թախթռավանչին հայտարարել է. «Իրանը համարում է, որ նախագծի տեքստում առկա են քաղաքական դրդապատճառներ, ինչը վնասում է ՄԱԿ-ի չեզոքության սկզբունքին»:
Նա հավելել է. «Իրանը կարևորում է մարդու իրավունքների պաշտպանությունը: Սակայն համարում է, որ ՄԱԿ-ի մարդու իրավունքների պաշտպանության մեխանիզմի քաղաքական նպատակներով չարաշահումը հակասում է համընդհանրության ու չեզոքության սկզբունքներին»:
Նշելով, որ մարդու իրավունքները չպետք է դառնան անիրատեսական քաղաքական քայլերի զոհ, Մաջիդ Թախթռավանչին հավելել է. «Իրանի կառավարությունը կարևորում է տարաձայնությունների խաղաղ կարգավորումը՝ հարգելով միջազգային իրավունքը և ՄԱԿ-ի կանոնադրությունը»:
