Իրանի հյուսիսում ոչնչացվել է Մոնաֆեղին ահաբեկչական խմբավորման հետ կապված խումբ
Իրանի Բաբոլսար քաղաքում ձերբակալվել են Մոհալաթ երիտասարդական ցանցի» առաջնորդները, որոնք կապված են Մոնաֆեղին ահաբեկչական խմբավորման հետ։
ԻՌՆԱ-ի հաղորդմամբ՝ Բաբոլսարում ԻՀՊԿ հրամանատար Մուստաֆա Բազունդը հայտնել է, որ այս խմբավորումը գործում է «Բաբոլսար Մահալաթի երիտասարդներ» անունով՝ նպատակ ունենալով խաբել երիտասարդներին։
Նա հավելել է. «Իրանում անցած տարի տեղի ունեցած անկարգությունների սկզբից այս ցանցը փորձում էր տեղեկատվություն տրամադրել թշնամական լրատվամիջոցներին և գրավել երիտասարդներին ու դեռահասներին Իրանից դուրս ապաստան տալու կեղծ խոստումներով»:
Բաբոլսարում ԻՀՊԿ հրամանատարը հավելել է, որ ձերբակալված անձինք անմիջական կապի մեջ են եղել Իրանից դուրս գտնվող հակահեղափոխական ուժերի հետ և Իրանի անվտանգության դեմ ուղղված բազմաթիվ գործողություններ են իրականացրել:
2022թ. սեպտեմբերի վերջին Իրանի տարբեր շրջաններում տեղի ունեցան անկարգություններ, և հենց առաջին օրերին ակնհայտ դարձավ որոշ լրատվամիջոցների դերն այդ անկարգությունների տարածման գործում։