Թեհրանում մեկնարկել է Նորարարության և տեխնոլոգիաների 12-րդ միջազգային ցուցահանդեսը
Թեհրանի արևելքում գտնվող Փարդիս տեխնոլոգիական պարկում,Իրանի Իսլամական Հանրապետության գիտության և տեխնոլոգիաների գծով փոխնախագահ Ռուհոլլահ Դեհղանի Ֆիրուզաբադիի ներկայությամբ մեկնարկել է Նորարարության և տեխնոլոգիաների 12-րդ միջազգային ցուցահանդեսը (INOTEX -2023):
Այս գրավիչ ցուցահանդեսին ներկա են ավելի քան 400 նորարարական և տեխնոլոգիական ընկերություններ, բիզնես ոլորտի ավելի քան 70 հազար ակտիվ գործարարներ, 150 ներդրողներ: Նախատեսված են 20 միջոցառումներ։
Այս ցուցահանդեսը նոր ընկերությունների և ստարտափների սեփականատերերի համար կապիտալ ներգրավելու և ներդրողների հետ բանակցելու հատուկ հնարավորություն է։
Այս միջոցառման ընթացքում ներկայացվում են նորագույն տեխնոլոգիական արտադրանքներն ու ծառայությունները: Կարևոր միջոցառումներից է ազգային անօդաչու թռչող սարքի ներկայացումը: Անօդաչու թռչող սարքերի ոլորտում նոր տեխնոլոգիաների ներկայացման այս ամենամյա միջոցառումն անցկացվում է INOTEX միջազգային ցուցահանդեսի հետ միաժամանակ Փարդիս տեխնոլոգիական պարկում: