Ավարտվել են Իրանցի սահմանապահների և թալիբների միջև բախումները
Լուրեր են տարածվել Աֆղանստանի թալիբների ուժերի և իրանցի սահմանապահների միջև տեղի ունեցած բախումների մասին:
Իրազեկ աղբյուրները հաղորդել են Իրանի Իսլամական Հանրապետության սահմանապահ ուժերի և Աֆղանստանի թալիբների միջև տեղի ունեցած բախումների մասին: Իրանի և Աֆղանստանի սահմանապահ պաշտոնյաները կայանալիք հանդիպումներում քննարկելու են լարվածության պատճառները։
Շաբաթ օրը Սասուլի անցակետի մոտ լարվածություն է եղել Իրանի Իսլամական Հանրապետության սահմանապահների եւ թալիբների միջեւ, որը հանգեցրել է փոխհրաձգության։
Թալիբների ուժերն ավելի վաղ լարվածություն էին առաջացրել սահմանային օրենքներին անծանոթ լինելու պատճառով, որն արժանացել էր Իրանի սահմանապահների արձագանքին, և Իրանի Իսլամական Հանրապետության իշխանությունները նույնպես այդ կապակցությամբ լուրջ նախազգուշացում էին տվել թալիբների իշխանություններին։
Tasnim լրատվական գործակալության փոխանցմամբ՝ այս բախումների ժամանակ կիրառվել է թեթև և կիսաթեթև զենք և հրետանի, սակայն լուրերն այն մասին, որ իրանական ուժերը հրթիռներ են կիրառել, բացարձակ սուտ են։
Ըստ հաղորդման, այն լուրը, որի համաձայն Աֆղանստանի Զառանջ օդանավակայանը հայտնվել է իրանական ուժերի թիրախում, բացարձակ սուտ է և չի համապատասխանում իրականությանը:
Բախումները տեղի են ունեցել Սասուլի, Հաթամ և Մակակի գյուղերի շրջակայքում։
Բախումների սկսվելուց հետո նամակագրություն և կապեր են հաստատվել Աֆղանստանում Իրանի դեսպանատան և թալիբների կառավարության պաշտպանության նախարարության միջև։