Ադրբեջանի ԱԳ նախարարը մեկնել է Իրան
Դեկտեմբեր 03, 2024 12:46 Asia/Tehran
Դեկտեմբերի 3-ին Ադրբեջանի արտգործնախարար Ջեյհուն Բայրամովը աշխատանքային այցով մեկնել է ԻԻՀ՝ մասնակցելու Տնտեսական համագործակցության կազմակերպության (ՏՀԿ) ԱԳ նախարարների խորհրդի 28-րդ նիստին։
Այցի շրջանակներում Բայրամովը ելույթ կունենա Նախարարների խորհրդի նիստում, ինչպես նաև մի շարք երկկողմ հանդիպումների ժամանակ։
ԻԻՀ՝ Մաշհադ քաղաքում, մեկնարկել է Տնտեսական համագործակցության կազմակերպության (ՏՀԿ) անդամ երկրների արտգործնախարարների խորհրդի 28-րդ նիստը՝ Իրանի ԱԳ նախարարի և անդամ երկրների իր գործընկերների ներկայությամբ։