Իրավանի. «Ձգանի մեխանիզմը»  իրականացնելու մասին ցանկացած սպառնալիք կարժանանա Թեհրանի վճռական պատասխանին

Pars Today- ՄԱԿ-ում Իրանի Իսլամական Հանրապետության դեսպան, մշտական ​​ներկայացուցիչը Անվտանգության խորհրդին և ՄԱԿ-ի գլխավոր քարտուղարին ուղղված նամակում Թեհրանի դեմ եվրոպական եռյակի մեղադրանքների մասին հայտարարել է. ««Ձգանի» մեխանիզմը  իրականացնելու մասին ցանկացած սպառնալիք ոչ միայն կառուցողական չէ, այլ կարժանանա Իրանի վճռական պատասխանին»։

ՄԱԿ-ում Իրանի դեսպան Ամիր Սաիդ Իրվանին նամակով դիմել է Անվտանգության խորհրդի հերթական նախագահին և ՄԱԿ-ի գլխավոր քարտուղարին` մերժելով Եվրոպական եռյակի (Անգլիա, Գերմանիա և Ֆրանսիա) նամակում ներկայացված պնդումներն առ այն, որ Թեհրանը չի կատարում ՀԳՀԾ-ով նախատեսված իր պարտավորությունները, և գրել է, որ նման պնդումը անտեսում է Իրանի մշտական ջանքերը այդ համաձայնագիրը պահպանելու համար՝ չնայած ԱՄՆ-ի, Եռյակի և Եվրամիության մշտական ​​սադրանքներին ու խախտումներին, ինչը դրան վերածել  է կամայական և անվավեր պնդման։ Ըստ Pars Today-ի, այս նամակում, անդրադառնալով ՀԳՀԾ-ից ԱՄՆ-ի դուրս գալուն և Իրանի դեմ պատժամիջոցների սահմանմանը, Իրավանին հավելել է, որ  Իրանի կողմից ՀԳՀԾ-ով իր պարտավորությունների կատարման վերաբերյալ ցանկացած պնդում սկզբունքորեն սխալ է, երբ դա քննարկվում է ՀԳՀԾ-ից ԱՄՆ-ի ամբողջական դուրս գալու համատեքստից դուրս:

Այս նամակում ՄԱԿ-ում Իրանի ներկայացուցիչն ընդգծել է, որ Իրանը շարունակում է հավատարիմ մնալ Միջուկային զենքի չտարածման պայմանագրով ստանձնած իր պարտավորություններին, որը երաշխավորում է բոլոր անդամների անօտարելի իրավունքը՝ միջուկային էներգիան մշակելու, հետազոտելու, արտադրելու և խաղաղ նպատակներով այն օգտագործելու համար, բայց «Ձգանի» մեխանիզմը  իրականացնելու մասին ցանկացած սպառնալիք կարժանանա Իրանի վճռական պատասխանին։

Ընդգծելով, որ Իրանը հավատարիմ է բարեխղճորեն համագործակցելու և ընդհանուր մարտահրավերներին անդրադառնալու բոլոր դիվանագիտական ​​ուղիները քննարկելու պարտավորությանը, Իրավանին ավելացրել է, որ Եռյակը պետք է ընդունի այն փաստը, որ բովանդակալից դիվանագիտությունը պահանջում է իրական առճակատում և պարտավորությունների հարգում։

Նշենք, որ «ձգանի մեխանիզմը» այն իրավական մեխանիզմն է, որը թույլ է տալիս վերադարձնել Իրանի դեմ ՄԱԿ-ի Անվտանգության խորհրդի պատժամիջոցները։

Բանալի բառակապակցություններ՝ Իրանը և Եվրոպան, Իրանի խաղաղ միջուկային ծրագիր, ՀԳՀԾ, ձգանի մեխանիզմ, Իրավանի