Իրանի բանակի ռազմացամաքային ուժերի կողմից արհեստական ինտելեկտի և ռոբոտաշինության օգտագործման կարևորումը
Սահաբ - Իրանի Զինված ուժերի գլխավոր շտաբի պետն ասել է, որ արհեստական ինտելեկտի և ռոբոտաշինության զարգացմանն ու տարածմանը համաքայլ, այսօրվա մարտերը լրջորեն տարբերվել են անցյալի մարտերից, ուստի այս երկու գիտություններն առավելագույնս օգտագործվել են Իրանի բանակի ռազմացամաքային ուժերի զորավարժությունների ժամանակ։
Ինչպես հաղորդում է Սահաբ ցանցը հղում անելով Իրանի ուսանողների լրատվական գործակալությանը (ISNA), Իրանի Իսլամական Հանրապետության զինված ուժերի գլխավոր շտաբի պետ՝ գեներալ-մայոր Մոհամմադ Բաղերին ,բանակի ռազմացամաքային ուժերի անվտանգային, հարձակողական և շարժական զորավարժությունների եզրափակիչ փուլի ավարտին զուգընթաց, ասել է,-Իրանի բանակի ռազմացամաքային ուժերն իրենց զորավարժություններում առավելագույնս օգտագործել են արհեստական ինտելեկտի և ռոբոտաշինության երկու գիտությունները, իսկ ռոբոտային գործողություններն իրականացվել և գնահատվել են հետազոտությունների և ինքնաբավության Ջիհադ կազմակերպության արտադրած սարքավորումների միջոցով:
Անդրադառնալով Իրանի Իսլամական Հանրապետության բանակի ռազմացամաքային ուժերի զորավարժությունների ուղերձին, Իրանի զինված ուժերի գլխավոր շտաբի պետը նշել է, -Զինված ուժերի հիմնական պարտականությունն է պաշտպանել Իրանի հողը և ապահովել ժողովրդի անվտանգությունը, և անհրաժեշտ է առավելագույն պատրաստվածությունը պահպանելով՝ այս ուղերձը հասցնել թշնամիներին, ,որ զինված ուժերը լիովին պատրաստ են էլեկտրոնային պատերազմում դիմակայել նրանց։
Իրանի Իսլամական Հանրապետության բանակի ռազմացամաքային ուժերի երկփուլ զորավարժություններում չափվել է ռազմաօդային ուժերի ուղղաթիռների պատրաստվածությունը։