Թունիսցի արտիստները մասնակցել են Իրանի Ֆաջր թատերական փառատոնին

Pars Today- Թունիսի կերպարվեստի կենտրոնի տնօրենը նշանակալից և արժեքավոր փորձ է համարել այս երկրի թատերախմբի մասնակցությունը Իրանի Ֆաջր թատերական փառատոնին՝ ասելով. «Այս փառատոնին մասնակցելու մեր նպատակներից մեկը Ֆաջր փառատոնի փորձից օգտվելն էր»։

Բիզերտեում Թունիսի կերպարվեստի կենտրոնի տնօրեն Ջամիլա Ալ-Թալիլին Իրանի Ֆաջր թատերական փառատոնում «Գոդզիլա. ֆենոմեն» ներկայացումից հետո ասել է. «Հաշվի առնելով, որ այս փառատոնը 43-րդ տարին է, այն ունի մեծ փորձ և այս փառատոնին մասնակցելու նպատակն էր ճանաչել Իրանի Իսլամական Հանրապետությունը և նրա մշակույթը»:

Ալ-Թալիլին նաև ասել է. «Մենք հույս ունենք, որ այս փառատոնն օրեցօր ավելի է կատարելագործվելու՝ ավելի բարձր մակարդակների հասնելու համար: Կցանկանայինք մասնակցել նաև փառատոնի հաջորդ շրջաններում։ Մենք իսկապես ուրախ էինք, որ փառատոնի պատասխանատուները մեզ հրավիրեցին, տեսան մեր աշխատանքը և ընդունեցին այն: Ես պետք է շնորհակալություն հայտնեմ ձեր հյուրընկալության և բարության համար, որ ամեն ինչ ապահովել էիք մեզ համար»։