Իրանցի երգչի 5 լեզվով համերգը սուրբ Ռամադան ամսին

Pars Today - Իրանցի երգիչը իր երրորդ համերգը կանցկացնի աշխարհի հինգ կենդանի լեզուներով՝ սուրբ Ռամադան (մուսուլմանական ծոմապահության ամիս) ամսին։

Իրանցի երգիչ Էհսան Յասինը  սուրբ Ռամադան ամսին իր երրորդ համերգը կանցկացնի հինգ լեզուներով՝ պարսկերեն, անգլերեն, արաբերեն, քրդերեն և ադրբեջաներեն։ Ինչպես հաղորդում է Pars Today-ը, մեջբերելով ԻՌՆԱ-ն, Յասինն այս համերգում «Սանա» նվագախմբի և երգչախմբի ուղեկցությամբ կկատարի «Իմ լուսինը» ալբոմից կտորներ՝ իր նոր ստեղծագործությունների հետ միասին։

Էհսան Յասինը ծնվել է 1999 թվականին և աշխատում է միստիկ և իսլամական երաժշտություն ստեղծելու ոլորտում։ Նա հավատում է, որ երաժշտության այս ոճը չի սահմանափակվում միայն լեզուներով, երկրներով ու սահմաններով, և այս ոճով ու համատեքստում ստեղծագործությունները պետք է ստեղծվեն ցանկացած լեզվով։

Այս երգչի ստեղծագործությունները հիմնականում պարսկերեն, անգլերեն և արաբերեն են։ Սակայն Յասինի գործունեությունը չի սահմանափակվում միայն այս լեզուներով, և նրա ստեղծագործությունները ներառում են համագործակցություն և ներդաշնակություն տարբեր երկրների ներառյալ Եգիպտոսի, Կանադայի, Ամերիկայի, Հարավային Կորեայի, Ալբանիայի և Ինդոնեզիայի արվեստագետների հետ: