Ի՞նչ գործոններ են նպաստել Իրանի արտաքին առևտրի աճին
Ըստ Sahab ցանցի, վերջին տարիներին հարևանների հետ համագործակցությունը միշտ եղել է Իրանի Իսլամական Հանրապետության արտաքին քաղաքականության առաջնահերթությունը, և այդ շրջանակներում երկկողմ համագործակցության ընդլայնման ուղիների որոնումը հետաքրքրել է Իրանի և հարևան երկրների պաշտոնյաներին:
Տարածաշրջանի հսկայական տնտեսական ներուժը, աշխարհագրորեն մոտ լինելը, մշակութային, լեզվական և կրոնական ընդհանրությունները պատճառ են դարձել, որ Իրանը և նրա հարևանները որդեգրեն համագործակցության ընդլայնման ուղին:
Իրանի հյուսիսում, հարավում, արևելքում և արևմուտքում շուկաների բազմազանությունը լավ հնարավորություն է իրանական արտադրական ընկերությունների համար, որպեսզի Իրանի հարևան երկրների կարիքները հաշվի առնելով, շարունակական խորհրդակցությունների և որակյալ ապրանքների արտադրման միջոցով, թիրախային շուկաներում ուժեղ ներկայություն ունենալուց բացի, բավարարեն նրանց կարիքները:
Հարևան երկրների և աֆրիկյան մայրցամաքի հետ Իրանի առևտրի աճը հանգեցրել է իրանական արտադրանքի արտահանմանը և երկրի արտարժութային եկամուտների զգալի աճին:
Տարածաշրջանային շուկաների վրա իրանցի արտահանողների կենտրոնացումը նպաստել է ապրանքների արտահանման աճին, և Իրանի Իսլամական Հանրապետությունը առանցքային և հիմնարար դեր է խաղում հարևան երկրների տնտեսական կարիքները բավարարելու գործում: Իրանական ընկերությունները ներդրումներ են կատարել երկրի սահմաններից դուրս հսկայական ենթակառուցվածքային նախագծերում։
Իրանի արտաքին առևտրի զգալի աճը, չնայած պատժամիջոցներին, վկայում է այս գործընթացի անարդյունավետության և այս երկրի տնտեսական մեծ ներուժի մասին։ Իրանի ռազմավարական դիրքն ու նշանակությունը կարևոր գործոն են դարձել տարածաշրջանի և աշխարհի տարբեր մասերի հետ տնտեսական համագործակցության ընդլայնման համար: