Գեներալ-մայոր Սաֆավի. Իրանը ապավինելով Դիմադրությանը դարձել է տարածաշրջանային տերություն
Pars Today - Իրանի Իսլամական Հանրապետության Զինված ուժերի գերագույն գլխավոր հրամանատարի օգնական և գերագույն խորհրդականը ասել է.-Իրանը զոհաբերելով իր ավելի քան 200 հազար զավակների կյանքը և ապավինելով «Վելայաթ-ե ֆաղիհին» և «Դիմադրությանը», դարձել է ազդեցիկ տերություն տարածաշրջանում։
Երեքշաբթի երեկոյան գեներալ-մայոր Սեյյեդ Յահյա Ռահիմ Սաֆավին Խուզեստան նահանգի Դեզֆուլ քաղաքում նահատակների իդեալների հետ ուխտի վերանորոգման հանդիսավոր արարողության ժամանակ նշել է. «Իրանի ժողովուրդը, ապավինելով «Վելայաթ-ե ֆաղիհին» և «Դիմադրությանը», կանգնեց աշխարհի բոլոր կայսերապաշտ տերությունների դեմ և իր օգտին փոխեց ուժերի հավասարակշռությունը տարածաշրջանում»։
Զինված ուժերի գերագույն գլխավոր հրամանատարի օգնական և գերագույն խորհրդական՝ գեներալ-մայոր Ռահիմ Սաֆավին ընդգծելով միասնության, կարեկցանքի և ազգային համախմբվածության պահպանման անհրաժեշտությունը, հավելել է. «Հավատքը, ժողովրդական միասնությունը և հզոր առաջնորդությունը եղել և մնում են Իրանի ժողովրդի հաղթանակի գաղտնիքները գերտերությունների դեմ»։