Իրանը «Սիմորղ» ինքնաթիռով ընդգրկվեց քաղաքացիական ինքնաթիռներ արտադրող երկրների ակումբում

Իրանի Քաղաքացիական ավիացիայի կազմակերպությունը հայտարարել է, որ «Սիմորղ» ազգային ինքնաթիռը մտել է թռիչքային փորձարկումների փուլ, և դրա շարժիչի որոշ մասեր այժմ արտադրվում են։

Այս նախագիծը, որը «Հեսա»  ընկերության տեղական մասնագետների 15 տարվա ջանքերի արդյունք է, Իրանը դասում է աշխարհի այն սակավաթիվ երկրների շարքին, որոնք արտադրում են ուղևորատար ինքնաթիռներ։Իրանի քաղաքացիական ավիացիայի կազմակերպության թռչող սարքերի նախագծման վարչության պետ՝ Մոհամմադռեզա Վաղեֆի Մանեշի խոսքերով՝  «Սիմորղ»-ը նախագծվել է «Անտոնով 140»-ի հիման վրա, սակայն ունի ամբողջությամբ տեղական պոչ և ֆյուզելյաժ  և կարող է տեղափոխել մինչև 6 տոննա բեռ՝ 3900 կիլոմետր հեռավորության վրա։