Հեռախոսազրույց են ունեցել Իրանի և Օմանի սուլթանության արտաքին գործերի նախարարները

Իրանի Իսլամական Հանրապետության արտաքին գործերի նախարար Սեյեդ Աբբաս Արաղչին և Օմանի սուլթանության ՝արտաքին գործերի նախարար Սեյեդ Բադր Ալ-Բուսաիդին այսօր՝ հինգշաբթի առավոտյան, հեռախոսազրույցի ընթացքում քննարկել և մտքեր են փոխանակել տարածաշրջանային վերջին զարգացումների և ընդհանուր մտահոգության հարցերի շուրջ։

ISNA-ի տվյալներով՝ այս զրույցի ընթացքում կողմերը քննարկել են Հորմուզի նեղուցում ծովային երթևեկության հետ կապված վերջին զարգացումները և 60-օրյա ժամկետի համար նախատեսված ժամանակավոր կարգավորումները, և ընդգծել են այս հարցում համակարգման, երկկողմ խորհրդակցությունների, ինչպես նաև տեխնիկական և փորձագիտական ​​փոխգործակցության շարունակականության կարևորությունը։

Իրանի և Օմանի արտաքին գործերի նախարարները նաև գոհունակություն են հայտնել իրանական պատվիրակության Մուսկատ կատարած վերջին այցի և կայացած բանակցությունների արդյունքներից, ինչպես նաև ընդգծել են խորհրդակցությունների շարունակականությունը և երկու երկրների միջև փոխադարձ հետաքրքրություն ներկայացնող հարցերին դիվանագիտական ​​ուղիներով հետամուտ լինելու և շարունակական համագործակցության անհրաժեշտությունը։