Գեներալ Թալայի Նիք. Իրանը հեղինակազրկեց կայսերապաշտ տերություններին
Pars Today - Իրանի զինված ուժերի աջակցության և պաշտպանության նախարարության խոսնակն ասել է. «Իրանի ժողովուրդը, չնայած կայսերապաշտ երկրների համեմատ իր սահմանափակ ռազմական բյուջեին, խարխլել է նրանց հեղինակությունը տարածաշրջանում և աշխարհում»։
Ինչպես հաղորդում է Pars Today-ը՝ հղում անելով Իրանի ռադիո-հեռուստատեսության լրատվական գործակալությանը, Իրանի զինված ուժերի աջակցության և պաշտպանության նախարարության խոսնակ գեներալ Ռեզա Թալայի Նիքն իր ելույթում անդրադարձել է տարածաշրջանային և միջազգային զարգացումներին և հավելել. «Շանհայի համագործակցության կազմակերպության երկրների պաշտպանության նախարարների հետ ունեցած հանդիպումներում նրանք ընդունել են, որ Իրանի ուժն ու հաղթական դիմադրությունը ակնհայտ են։ Մենք տասը միլիարդ դոլարի տարեկան ռազմական բյուջեով հաղթեցինք ավելի քան հազար միլիարդ դոլար տարեկան բյուջեով թշնամիներին և նրանց աջակից երկրներին, քանի որ մենք շարժվում ենք հավատքի ուժի, նահատակության մշակույթի, ժողովրդական պաշտպանության և բնիկ գիտելիքների հիման վրա»։
Ընդգծելով, որ թշնամին խորամանկ է և չպետք է վստահել նրան, նա նշեց. «Համակարգի կարմիր գծերն այն պայմաններն են, որոնք հայտարարել է Հեղափոխության Առաջնորդը։ Մենք կպայքարենք սիոնիստ և կայսերապաշտ թշնամու դեմ, քանի դեռ նա ունի կայսերապաշտական տրամադրվածություն, և վերջնական հաղթանակը կախված է միասնության պահպանումից և պաշտպանական ու ջիհադական ուժի շարունակությունից»։
