Իսրայելը նացիստներից ավելի վատն է. Եվրոպայի ապագան կախված է Պաղեստինից/ Անդրադարձ Արևմտյան Ասիայի զարգացումներին
https://parstoday.ir/hy/news/west_asia-i218558
Սիոնիստական ​​«YNet» կայքը հայտարարել է, որ Իսրայելի վարչապետ Բենիամին Նեթանյահուն բախվել է նոր սկանդալի հետ,որը կապված է Pfizer պատվաստանյութերի հետ։
(last modified 2025-04-07T06:26:58+00:00 )
Մայիս 29, 2024 15:51 Asia/Tehran
  • Իսրայելը նացիստներից ավելի վատն է. Եվրոպայի ապագան կախված է Պաղեստինից/ Անդրադարձ Արևմտյան Ասիայի զարգացումներին

Սիոնիստական ​​«YNet» կայքը հայտարարել է, որ Իսրայելի վարչապետ Բենիամին Նեթանյահուն բախվել է նոր սկանդալի հետ,որը կապված է Pfizer պատվաստանյութերի հետ։

Եմենի վրա ԱՄՆ-ի և  Բրիտանիայի հարձակումը, օկուպացված տարածքներում Pfizer-ի պատվաստանյութերի պատմությունը, ՄԱԿ-ի սև ցուցակում հայտնվելու սիոնիստների վախը, ֆրանսիական պարբերականի նախազգուշացումը իսլամական երկրներում Եվրամիության հեղինակազրկման կապակցությամբ և Գազայի վրա Իսրայելի հարձակումների շարունակումը  համարվում են    վերջին ժամերին արևմտյան Ասիայի ամենակարևոր լուրերի ընտրանին։ 

ԱՄՆ-ն  ​​և Բրիտանիան կրկին հարձակվել են Եմենի վրա

 ԻՌՆԱ-ի հաղորդման համաձայն, ամերիկյան եւ բրիտանական կործանիչները երեքշաբթի գիշերը կրկին ռմբակոծել են Եմենը՝ ի աջակցություն Իսրայելի։ Եմենական աղբյուրների փոխանցմամբ՝ Եմենի արեւմուտքում գտնվող Հոդեյդա նահանգի  «Ալ Ջաբբանա» շրջանը հարձակման թիրախ է դարձել։

Գազայի վրա Իսրայելի հարձակումներն սկսվելուց ի վեր, Եմենը ծովային էմբարգոներ է սահմանել Իսրայելի կողմնակիցների նկատմամբ։

Նոր սկանդալ Նեթանյահուի համար. Ո՞րն է Pfizer պատվաստանյութերի պատմությունը

Ynet լրատվական կայքը երեկ  հայտարարեց, որ օկուպացված Պաղեստինի  վերահսկող կառույցների հետաքննությունը ցույց է տալիս, որ Իսրայելի վարչապետը օկուպացված տարածքներում կորոնավիրուսի դեմ պատվաստանյութի բաշխման մենաշնորհը տվել էր ամերիկյան Pfizer ընկերությանը՝ առանց նախարարների կաբինետից թույլտվություն ստանալու։

 

Թել-Ավիվը  խուճապի է մատնվել․ Վախենում է հայտնվել ՄԱԿ-ի սև ցուցակում

Mehr լրատվական գործակալության փոխանցմամբ՝ ՄԱԿ-ի  սև ցուցակում  Իսրայելի հայտնվելու մասին շշուկներ տարածվելուց  հետո սիոնիստական ​​աղբյուրները հայտարարել են,որ  ռեժիմն ակտիվ ջանքեր է գործադրում  Պաղեստինի երեխաների սպանության հետևանքով ռեժիմի դեմ ՄԱԿ-ի պատժամիջոցների սահմանումը կանխելու ուղղությամբ։  Գազայում Պաղեստինի կառավարության լրատվական գրասենյակի փոխանցմամբ՝ Գազայի վրա Իսրայելի հարձակումների նոր փուլի սկզբից՝ 2023 թվականի հոկտեմբերի 7-ից ի վեր սիոնիստներն սպանել են ավելի քան 15 հազար պաղեստինցի երեխաների։

Ֆրանսիական պարբերական. Եվրոպայի ապագան կախված է Պաղեստինից

Ֆրանսիական «Nouvel Obs» պարբերականն իր  հոդվածներից մեկում նշել է, որ եթե Եվրամիությունը չկարողանա հաղթահարել իր թուլությունն ու պառակտումները և Սիոնիստական ռեժիմին պարտադրել հրադադար հաստատել Գազայում և վերջ դնել բռնությանն ու գաղութատիրությանը Հորդանան գետի արևմտյան ափին,  հեղինակազրկվելու է  Իսլամական շատ երկրներում,  ինչպես նաև  «Հարավային աշխարհում»։

Ընդգծելով, որ Եվրոպայի ապագան կորոշվի Պաղեստինում՝ «Nouvel Obes»-ը գրում է.-«Այս թույլ, մեկուսացված և թշնամի երկրների կողմից պաշարված Եվրոպայի ապագան կարող է մթագնել»։

 

Իսրայելի շարունակվող հարձակումները Գազայի վրա

Գազայում Պաղեստինի կառավարության տեղեկատվական գրասենյակը երեքշաբթի գիշերը հայտարարեց, որ իսրայելական օկուպացիոն բանակը վերջին 48 ժամվա ընթացքում ռմբակոծելով  Ռաֆահ քաղաքի արևտյան տարածքներում  գտնվող փախստականների վրանները, սպանել է 72 պաղեստինցի փախստականների։ Իսրայելի օկուպանտ ռեժիմը պնդում էր,որ այդ տարածքներն անվտանգ են։

Սեյեդ Հասան Նասրալլահ. Իսրայելն նացիստներից էլ ավելի վատն է 

Լիբանանի Հեզբոլլահի գլխավոր քարտուղար Սեյյեդ Հասան Նասրալլահը երեքշաբթի գիշեր, անդրադառնալով Գազայում Իսրայելի զավթիչների հանցագործություններին, և նշելով, որ Ռաֆահի կոտորածը ցույց է տալիս թշնամու վայրագությունը,   վախկոտությունն ու դավաճանությունը, ասել է․

«Մենք կանգնած ենք  մի թշնամու  դիմաց, որը չի հավատում ոչ մի արժեքի և բարոյականության և   նացիստներից էլ ավելի վատն է»։