Մամուլի տեսություն 06-02-2020
Այսօր Իրանում տպագրվող թերթերի մեծ մասը հրապարակել են Թրամփի և Փելոսիի մանկական պայքարի լուսանկարը, որտեղ ԱՄՆ նախագահ Թրամփը ամենամյա ելույթի ընթացքում, հրաժարվել է Փելոսիի ձեռքը սեղմել, իսկ վերջինս պատռել է Թրամփի ելույթի տեքաստը:
Մարդոմսալարի օրաթերթ
Փետրվարի 4-ին, Կոնգրեսում ունեցած երրորդ ամենամյա ելույթում, Դոնալդ Թրամփը պաշտպանեց իր կառավարության գործունեությունը՝ տնտեսական, ներգաղթի և ազգային անվտանգության ոլորտներում:
Նախքան ելույթը սկսվելը, սրահ մուտք գործելիս, ԱՄՆ նախագահը չի սեղմել Ներկայացուցիչների պալատի նախագահի ձեռքը:
Փելոսին ավելի ուշ լրագրողներին ասել է, որ Թրամփի ելույթ տեքստի պատռելը նրա արած քայլերի համեմատ քաղաքավարի քայլ էր:
Քեյհան օրաթերթ
Մեքքայի ապստամբության ընթացքում Ալե Սաուդն սպանել է 5000 մարդու
Ալ-Ջազիրա հեռուստաընկերությունը հաղորդում է հրապարակել 1979 թվականին Մեքքայի ապստամբության և սալաֆիստական «Ջեհիման» խմբի կողմից Ալ-Հարամ մզկիթի գրավման վերաբերյալ և հայտարարել, որ Սաուդյան կառավարությունը մինչ այժմ թաքցրել է զոհերի թիվը և դեպքի մանրամասները:
Ֆրանսիացի նախկին սպա և հատուկ ջոկատայինների հրամանատար կապիտան Պոլ Բարելն այս մասին ասել է, որ սաուդցիները ապստամբների դեմ կիրազել են Ֆրանսիայից գնած 7 տոնա քաշով քիմիական գազ պարունակող ռումբեր:
Ֆրանսացի սպան Ալ-Հարամ մզկիթի վրա Սաուդյան ուժերի հարձակումը ողբերկական համարելով, ասել է, որ դեպքի հետևանքով զոհերի թիվը մոտ 5000 է, ներառյալ 3 հազար պատանդ վերցված հաջիները:
Իրան օրաթերթ
Իրանով հետաքրքրվող յուրաքանչյուր անձ, պետք է մասնակցի ընրություններին
Իսլամական հեղափոխության մեծարգո առաջնորդ Այաթոլլահ Խամենեին չորեքշաբթի առավոտյան Իրանի ժողովրդի տարբեր խավերի հազարավոր ներկայացուցիչների հետ հանդիպման ժամանակ, Բահմանի 22-ه հանրահավաքը (փետրվար 11) և Իսլամական խորհրդարանի ընտրությունները Իրանի ժողովրդի երկու հիմնական փորձությունը համարելով, խոսել է խորհրդարանի թեկնածուների մասին: Նա ժողովրդի մասնակցությունը ընտրություններին բնութագրեկ է որպես ներքին և միջազգային խնդիրների լուծման արդյունավետ գործոն: Առաջնորդն ընդգծել է. «Բոլոր նրանք, ովքեր սիրում են Իրանը և հետաքրքրված են երկրի ազգային անվտանգության և պատվի պահպանման հարցերով և փորձում են լուծել խնդիրները, պետք է մասնակցեն ընտրություններին, որպեսզի ցույց տան Իրանի ազգային վճռականությունը»:
Արմանե մելի օրաթերթ
Չորեքշաբթի օրը կայացած կառավարության նիստում, Իրանի իսլամական հանրապետության նախագահն ասել է.«Իրանի ժողովրդի միասնությունն ու դիմադրությունն Իսլամական հանրապետության դեմ ԱՄՆ-ի բոլոր սադրանքների ձախողման պատճառն է»:
«Իրանի ժողովրդի փառահեղ մասնակցությունն Իսլամական հեղափոխության հաղթանակի 41-րդ տարեդարձին, ևս մեկ հարված կարող է հասցնել Իսլամական հանրապետության թշնամիներին». նշել է նախագահ Ռոհանին:
Իրանի իսլամական փառահեղ հեղափոխությունն հաղթանակեց 1979 թվականի փետրվարի 11-ին:
ԵՏՀ Կոլեգիայի նախագահ Միխայիլ Մյասնիկովիչը կայցելի Հայաստան
Փետրվարի 7-ին տեղի կունենա Եվրասիական տնտեսական հանձնաժողովի կոլեգիայի նոր նախագահ Միխայիլ Մյասնիկովիչի առաջին պաշտոնական այցը Երևան, հայտնում է ԵՏՀ մամուլի ծառայությունը:
Այցի ծրագրով երկկողմ հանդիպումներ են նախատեսված ՀՀ վարչապետ Նիկոլ Փաշինյանի, ՀՀ առաջին փոխվարչապետ Մհեր Գրիգորյանի, ՀՀ նախագահ Արմեն Սարգսյանի, ՀՀ Ազգային ժողովի նախագահ Արարատ Միրզոյանի հետ:
Հանդիպումների ընթացքում նախատեսվում է քննարկել մինչև 2025 թվականը նախատեսված Եվրասիական տնտեսական ինտեգրման զարգացման ռազմավարական ուղղությունները, ԵՏՄ շուկայում առկա խոչընդոտների, բացառումների և սահմանափակումների վերացման մոտեցումները:
Սիրիան մեղադրել է Թուրքիային ու Իսրայելին ահաբեկիչներին աջակցելու համար
Սիրիայի արտաքին գործերի նախարարությունը հայտարարել է, որ Թուրքիան ու Իսրայելը պաշտպանում են ահաբեկիչներին, քանի որ լույս փետրվարի 6-ին Իսրայելի կողմից Դամասկոսը հրթիռակոծելուն զուգահեռ թուրքական զորքերը մտել են Իդլիբի նահանգ: Այս մասին տեղեկացնում է РИА Новости գործակալությունը:
«Ակնհայտ համակարգմամբ և իսրայելական ագրեսիայի քողի տակ թուրքական զորքերն ապօրինի կերպով անցել են սիրիական սահմանն ու տեղակայվել են Բինիշ, Մաարեթ-Միսրին, և Թաֆթանազ (Սարաքիբ քաղաքից արևմուտք) գյուղերում: Թուրքիայի գործողություններն ի ցույց են դնում թուրքական ռեժիմի և Իսրայելի ընդհանուր նպատակները` այն է` ահաբեկիչների` նամանավանդ «Ջեբհաթ ան-Նուսրա» խմբավորման պաշտպանությունը և սիրիական բանակի` Հալեպում և Իդլիբում առաջխաղացման կանգնեցումը»,- հայտարարել է Սիրիայի ԱԳՆ-ի մամուլի ծառայությունը:
Սիրիայի ԱԳՆ-ն ընդգծել է, որ այդպիսի գործողությունները խախտում են երկրի ինքնավարությունն ու միջազգային իրավունքը, բայց չեն կարողանա խանգարել սիրիացի զինվորականների գործողություններին Հալեպում և Իդլիբում:
Ինչպես ավելի վաղ տեղեկացրել էր Tert.am-ը, փետրվարի 6-ի գիշերը Դամասկոսը հրթիռային հարձակման է ենթարկվել: Սիրիան հարձակման համար մեղադրում է Իսրայելին:
Իրաքը Ռուսաստանի հետ առևտրի համար բացում է ցամաքային ուղին
Իրաքը բացում է ցամաքային ուղին Ռուսաստանի հետ առևտրի համար և հույս ունի ընդլայնել փոխադարձ ապրանքաշրջանառությունը, հայտնում է «ՌԻԱ Նովոստի» գործակալությունը` հղում տալով Մոսկվայում Իրաքի դեսպան Աբդուլռահման Համիդ Մոհամեդ ալ Հուսայնիի հայտարարությանը:
«Երեկ հանդիպում ունեցանք պարոն Բոգդանովի հետ (արտաքին գործերի փոխնախարար Միխայիլ Բոգդանով), որին ներկա էր նաև Իրաքի արտաքին գործերի ավագ փոխնախարարը: Հենց հանդիպման ընթացքում Իրաքի արտգործնախարարը կապվեց իր տեղակալի հետ և փոխանցեց, որ Իրաքի նախարարների խորհուրդը հավանություն է տվել Իրաքի և Ռուսաստանի միջև ուղիղ ցամաքային հաղորդակցության բացմանը»,- նշել է դեսպանը:
«Աշխարհագրական առումով Իրաքի և Ռուսաստանի սահմանների միջև հեռավորությունը 1700 կմ է, իսկ Բաղդադի և Մոսկվայի միջև հեռավորությունը` 2400 կիլոմետր: Սակայն ինչ վերաբերում է ցամաքային ճանապարհով առևտրին, հեռավորությունն ամենևին էլ մեծ չէ: Մենք փոխադարձ առևտրի համար հսկայական հնարավորություններ ունենք: Ես իսկապես հույս ունեմ, որ գյուղատնտեսության, էլեկտրաէներգիայի, շինանյութերի ոլորտում ռուսական ապրանքները կհայտնվեն Իրաքի շուկայում: Ինչպես նաև հույս ունեմ, որ իրաքյան ապրանքները նույնպես կհայտնվեն ռուսական շուկայում»,- հավելել է դիվանագետը:
