Մամուլի տեսություն 05-04-2020
Foreign Policy պարբերականն գրել է, որ Իրանի Ղոդս ուժերի հրամանատար գեներալ Ղասեմ Սուլեյմանիի սպանությունից հետո Սիրիայում Իրանի ակտիվությունն աճել է:
Մարդոմսալարի օրաթերթ
Համաշխարհային հանրության մահը և կարանտինը
Վերջին վիճակագրական տվյալների համաձայն՝ աշխարհում ավելի քան 1 միլիոն 98 հազար մարդ վարակվել է կորոնավիրուսով, առնվազն 59 հազար 131 մարդ մահացել է: Կորոնավիրուսն առաջին անգամ հայտնաբերվել է 2019թ դեկտեմբերին՝ Չինաստանում: Ներկայումս այն տարածվել է աշխարհի 205 երկրներում: Աշխարհում կորոնավիրուսով վարակվածներից 790 հազար 224 հիվանդների վիճակը մեղմ է, և միայն 39 հազար 391-ի, կամ հիվանդների 5 տոկոսի վիճակն է ծայրահեղ ծանր: Մինչ այժմ 90 երկիր կարանտինացվել է, իսկ վերջին երկիրը, որը ուրբաթ օրվանից կարանտին է նհայտարարել, Թաիլանդն է:
Քեյհան օրաթերթ
Foreign Policy պարբերականը գրել է, որ Ղասեմ Սուլեյմանիի սպանություից հետո Իրանն ակտիվացել է Սիրիայում
Foreign Policy պարբերականը, «Գեներալ Սուլեյմանիից հետո, Սիրիայում Իրանի համար խնդիրներ չեն առաջացել» խորագրող զեկույցում գրել է, որ գեներալի սպանվելուց հետո, Իրանը հաջողությամբ շարունակում է իր տարածաշրջանային ռազմական ակտիվությունը:
Պարբերականը գրել է, որ գեներալ Սուլեյմանիի սպանությունից հետո տարբեր կարծիքներ են շրջանառվում այն մասին, որ Իրանը փոփոխում է իր քաղաքականությունը տարածաշրջանում, հատկապես՝ Սիրիայում: Բացի այդ, ԱՄՆ պաշտոնյաներն ու վերլուծաբանները ենթադրում, էին, որ կորոնավիրուսի գլոբալ տարածումով, Իրանի կառավարությունը կհայտնվի բար դիրավիճակում և կփոխի իր արտաքին քաղաքականությունը: Սակայն նույնիսկ կորոնավիրուսը չփոխեց Իրանի տարածաշրջանային քաղաքանությունը:
Ջավան օրաթերթ
Նոամ Չամսկի. Կորոնավիրուսը ցույց տվեց գլոբալ համակարգերի թերությունները
Այսօր աշխարհում կորոնավիրուսի տարածման հետևանքով ստեղծված առոջապահական ճգնաժամը շատ լուրջ և վտանգավոր է և կարող է ապագայում ավելի լուրջ հետևանքներ ունենալ: Սակայն այս ճգնաժամը ժամանակավոր է և, ի վերջո, կկարգավորվի: Այնուամենայնիվ, մենք կանգնած ենք երկու շատ ավելի վտանգավոր և լուրջ ճգնաժամերի առջև, որոնք կարող են միանգամից ոչնչացնել մարդկության գոյությունը: Այդ ճգնաժամերն են միջուկային պատերազմն ու գլոբալ տաքացումը:
Կառավարությունում քննարկում է ծավալվել կորոնավիրուսի տնտեսական հետևանքների չեզոքացմանը միտված քայլերի համատեքստում
Վարչապետ Նիկոլ Փաշինյանի գլխավորությամբ կառավարությունում այսօր տեղի է ունեցել հերթական խորհրդակցությունը՝ ներդրումային քաղաքականության խթանման ուղղությամբ անելիքների շուրջ: Քննարկումը ծավալվել է կորոնավիրուսի տնտեսական հետևանքների չեզոքացմանը միտված քայլերի համատեքստում:
«Կառավարությունը նախատեսում է իր գործիքակազմով խթանել ինչպես նոր ներդրումների ներգրավումը, այնպես էլ առկա ներդրումային ծրագրերի ընդլայնումը և դրանով իսկ ապահովել տնտեսության զարգացումը», – ամփոփելով քննարկումը՝ նշել է վարչապետը: Նիկոլ Փաշինյանը հանձնարարել է պատասխանատուներին՝ գույքագրել պետական այն ակտիվները, որտեղ կառավարման արդյունավետության բարձրացման խնդիր կա, նշել ոլորտները, որտեղ ներդրումների ներգրավման հեռանկարներ կան, և սեղմ ժամկետում ներկայացնել կոնկրետ պիլոտային ծրագրի տարբերակներ՝ հնարավոր արդյունքների և ռիսկերի գնահատմամբ:
armedia.am
ՌԴ ԱԳՆ-ն մեկնաբանել է հայ-ռուսական հարաբերությունների վերաբերյալ էստոնական հետախուզության հրապարակած տեղեկությունները
ՌԴ փոխարտգործնախարար Անդրեյ Ռուդենկոն հայկական «Նովոյե Վրեմյա» թերթին տված հարցազրույցում քննադատել է էստոնական հետախուզության հրապարակած տեղեկությունները Մոսկվայի և Երևանի հարաբերությունների վերաբերյալ։
Մեկնաբանելով էստոնական հետախուզության հրապարակված փաստաթղթերից մեկում առկա տեղեկություններն այն մասին, որ Մոսկվան «դժվարությամբ է հանդուրժում Հայաստանի ներկայիս ղեկավարությանը»՝ Ռուդենկոն առաջարկել է այդ հարցով դիմել Տալլին։
«Հավանաբար, «էստոնացի գործընկերները» ինչ-որ բան ավել գիտեն, քան որևէ մեկը։ Այնպես որ, թողնենք դա իրենց խղճին»,- ասել է նա։
«Կարող եմ հավաստիացնել, և վերջին տարվա վիճակագրությունը դա հաստատում է, որ համագործակցության դինամիկան, երկկողմ շփումների ինտենսիվությունը ոչ միայն չի պակասում, այլև զգալիորեն մեծացել է»,- ասել է փոխնախարարը։
Պարզվել է, թե ինչպես է համավարակը տարածվել Թուրքիայում
Չնայած կորոնավիրուսի տարածումը և ներթափանցումը Թուրքիա կանխարգելելու համար իրականացվող միջոցառումներին, այնուամենայնիվ համավարակը սփռվել է ողջ երկրով մեկ։
Թուրքական լրատվամիջոցները հայտնում են, թե որտեղից է վարակը ներթափանցել Թուրքիա և ինչպես է տարածվել երկրում։
Նշվում է, որ մահաբեր վարակի տարածման մեջ իրենց մեղքի բաժինն ունեն այն քաղաքացիները, որոնք վարակված լինելով հանդերձ, անպատասխանատու վարք են դրսևորել և չեն հետևել զգուշացումներին։
Աղբյուրի փոխանցմամբ՝ վարակը Թուրքիայի խոշարագույն քաղաքներից Ստամբուլ և Իզմիր է անցել Եվրոպայից։
Մասնավորապես Թուրքիայի 5 նահանգներում, այդ թվում՝ Անկարայում և Քոջաելիում վարակը տարածվել է Եվրոպայից Ստամբուլ վերադարձած քաղաքացիներից։ Իսկ Թուրքիայի զբոսաշրջային քաղաքներից Անթալիայում վարակն անցել է Իզմիրից և Եվրոպայից, որից հետո էլ տարածվել է հարակից շրջաններում։
Արժույթի միջազգային հիմնադրամը պատրաստ է բացել պատերզմական իրավիճակի համար նախատեսված պահուստը՝ 1 տրիլիոն դոլարի չափով
COVID-19 համաճարակը շատ ավելի մեծ ազդեցություն կունենա համաշխարհային տնտեսության վրա, քան 2007-2008 թվականների ֆինանսական ճգնաժամը, հայտարարել է Արժույթի միջազգային հիմնադրամի (ԱՄՀ) գործադիր տնօրեն Քրիստալինա Գեորգիևան: Նա հավելել է, որ իր ղեկավարած կազմակերպությունը պատրաստ է բացել «ռազմական մեկ տրիլիոն դոլարը», որը ԱՄՀ հատուկ պահուստն է՝ նախատեսված ռազմական ժամանակում օգտագործելու համար:
Գեորգիևան, ելույթ ունենալով Առողջապահության համաշխարհային կազմակերպության կողմից կազմակերպված մամուլի ասուլիսում, COVID-19 համաճարակն անվանել է աննախադեպ ճգնաժամ։«Այս ճգնաժամը նմանակներ չունի: Պատմության մեջ երբևէ մենք չենք նկատել համաշխարհային տնտեսության կանգ», - ընդգծել է ԱՄՀ ղեկավարը: «Մենք մտել ենք ռեցեսիոն շրջան», - ասել է Գեորգիևան:Ինչպես մահացու հիվանդությունը ազդում է թուլացած մարդկանց վրա, այնպես էլ տնտեսական ճգնաժամը ազդում է թուլացած տնտեսությունների վրա, ասել է Քրիստալինա Գեորգիևան:
Մոսկվայում մեկ օրում կորոնավիրուսի 434 նոր դեպք է արձանագրվել
Անցած մեկ օրում Մոսկվայում հայտնաբերել են ևս 434 քաղաքացու, որոնք վարակված են կորոնավիրուսով:
«2020 թվականի ապրիլի 4. Մոսկվայում արձանագրվել է հիվանդության 3357 դեպք», - ասվում է քաղաքապետրանաի տարածած հաղորդագրության մեջ:
Մինչ այդ ՌԴ մայրաքաղաքում արձանագրվել էր կորոնավիրուսի 2923 դեպք:Ապաքինվել է 168 մարդ, մահացել՝ 24-ը:
