Մեկնաբանություն - Բելինքենի հաստատումը Սենատի կողմից և ԱՄՆ արտաքին քաղաքականության անորոշ ապագան
Ջո Բայդենի ՝ որպես Միացյալ Նահանգների նոր նախագահի պաշտոնում ընտրվելուց հետո, նա նշանակել է արտաքին քաղաքական նոր թիմը: Այս թիմի ամենակարևոր անդամներից մեկը պետքարտուղարի պաշտոնի թեկնածու Էնթոնի Բելինքենն է: ԱՄՆ Սենատը երեքշաբթի օրը 78 կողմ, 22 դեմ ձայներով Էնթոնի Բլինկենին ընտրեց ԱՄՆ-ի պետքարտուղարի պաշտոնում :
Արտաքին գործերում իր կարիերայի սկզբում Բլինքենը բախվեց բազմաթիվ խնդիրների և մարտահրավերների հետ: Այնուամենայնիվ, նրա ամենակարևոր խնդիրը, կարծես, պետք է լինի կատարել Բայդենի խոստումը `փոխելու ԱՄՆ նախկին նախագահ Դոնալդ Թրամփի «Նախ' Ամերիկան» կարգախոսը: Այս կարգախոսը թուլացրեց Ամերիկայի դերըբև մեկուսացրեց այդ երկրին ամբողջ աշխարհում:
Այս կապակցությամբ Բայդենի վարչակազմի որդեգրած արտաքին քաղաքականությունը հակասում է Թրամփի վարչակազմի մոտեցմանը: Բայդենը, ստորագրելով մի շարք գործադիր հրամաններ, Միացյալ Նահանգները վերադարձրել է Փարիզի կլիմայական համաձայնագիր և Առողջապահության համաշխարհային կազմակերպություն:
Ամերիկացի քաղաքական փորձագետ Ջոնաթան Թեփերմանի խոսքով, Բայդենի գործադիր հրամանները, ներառյալ Փարիզի լիմայական պայմանագրի վերաբերյալ, կարևոր փոփոխություններ են, որոնց աջակցում է ամերիկացիների մեծ մասը:
Հաշվի առնելով Թրամփի օրոք ԱՄՆ-Եվրոպական հարաբերությունների աճող պառակտումը, ՆԱՏՕ-ն թուլացնելու նրա ջանքերը, ինչպես նաև Ատլանտյան օվկիանոսի երկու կողմերի միջև առևտրային վեճերը, դա կրկնակի կարևոր է:
Այդուամենայնիվ Բայդենի վարչակազմն արդեն պայքարում է ԱՄՆ-ի երկու մրցակից միջազգային տերություններ Ռուսաստանի և Չինաստանի հետ:
Տարածաշրջանային խնդիրների վերաբերյալ նույնպես Բայդենի վարչակազմը գոնե որոշ հարցերում հակաթրամփական տեսակետներ ունի:
Ի թիվս այլ բաների, Բայդենը խոստացել է վերադառնալ ՀԳՀԾ: Իր կառավարման ընթացքում Թրամփը դուրս եկավ ՀԳՀԾ-ից և առավելագույն ճնշման քաղաքականություն գործադրեց Իրանի դեմ, որը, իհարկե, ձախողվեց: Այժմ Բայդենը ստիպված է հնարավորինս արագ գործողություններ ձեռնարկել՝ կապված ՀԳՀԾ-ի հետ, որին, իհարկե, խիստ հակազդել է Սիոնիստական ռեժիմը:
Եմենի ճգնաժամի վերաբերյալ, Բայդենի կառավարությունը, դեմ լինելով Եմենի Անսարոլլահ շարժման բոյկոտին, ներկայումս քննարկում է այդ որոշումը մեկ ամսվ կասեցնելու հարցը:
Պաղեստինյան խնդրի վերաբերյալ Թրամփի դարի գործարք նախագիծը մի կողմ է դրվել և այժմ Բայդենի վարչակազմը խոսում է երկու պետությունների ծրագրին վերադառնալու անհրաժեշտության մասին:
ԱՄՆ արտաքին քաղաքականության և ռազմական քաղաքականության ամենակարևոր խնդիրը ԱՄՆ զորքերի ներկայությունն է Աֆղանստանում և Իրաքում, որ հիմա նրանց թիվը պակասել է: Չնայած ԱՄՆ-ի զորքերը Աֆղանստանից և Իրաքից ամբողջությամբ դուրս բերելու Թրամփի ջանքերին, Պենտագոնը այժմ ձգտում է վերանայել այդ հարցը, երկու երկրներում ռազմական ներկայության անհրաժեշտության մասին ԱՄՆ- տեսակետի համաձայն:
Չնայած մոտեցումների և տեսակետների այս փոփոխությանը, խնդիրն այն է, որ ԱՄՆ-ը արտերկրում բախվում է տարբեր ֆինանսական, տնտեսական, գործնական և քաղաքական խնդիրների և պահանջների հետ:
Միևնույն ժամանակ, Թրամփի գործողություններից շատերին աջակցել են ԱՄՆ վարչակազմի որոշ հատվածներ, հատկապես հանրապետականները, հետևաբար Բայդենի վարչակազմի կողմից դրանց փոփոխությունը կբախվի խոչընդոտների և ընդդիմության:
